దేశవ్యాప్తంగా వరుసగా నాలుగో రోజూ పెట్రోల్, డీజిల్ ధరలు పెరిగాయి. దిల్లీలో లీటర్ పెట్రోల్ ధర శుక్రవారం 28 పైసలు పెరిగి.. రూ.91.27కు చేరింది. లీటర్ డీజిల్ ధర 31 పైసలు పెరిగింది. దీనితో లీటర్ డీజిల్ ప్రస్తుతం రూ.81.73 వద్ద ఉంది.
అంతర్జాతీయంగా ముండి చమురు ధరలకు అనుగుణంగా దేశీయంగానూ పెట్రోల్, డీజిల్ ధరలను సవరించినట్లు చమురు మార్కెటింగ్ సంస్థలు తెలిపాయి.
ఆ రాష్ట్రాలో సెంచరీ కొట్టిన పెట్రోల్..
వరుస నాలుగో రోజు పెరిగిన పెట్రోల్ ధర పెరగడం కారణంగా రాజస్థాన్, మధ్యప్రదేశ్లో ధరలు సెంచరీ కొట్టాయి. లీటరు పెట్రోల్ ధర రూ. 102కు చేరింది. రాజస్థాన్లోని గంగానగర్ జిల్లాలో పెట్రల్ రేటు 102.15గా ఉంది. మధ్యప్రదేశ్లోని అనుప్పూర్లో పెట్రోల్ రేటు రూ.101.86 కు పెరిగింది. అయితే మహారాష్ట్రాలోని పర్భానీలో లీటరు పెట్రోల్ రూ. 99.95గా ఉండి సెంచరీకి సిద్ధంగా ఉంది.
ఈ ఏడాది కాలంలో పెట్రోల్ రేటు మూడంకెల మార్కును దాటడం ఇది రెండో సారి. మొదటగా ఫిబ్రవరిలో రూ.100 మార్కుని చేరింది.
ఇదీ చూడండి: గూగుల్ 'హైబ్రిడ్ వర్క్ వీక్'- 3 రోజులే ఆఫీస్కు!
