కెనడాలో కొవాగ్జిన్(Covaxin) పంపిణీకి భారత్ బయోటెక్తో ఒప్పందం కుదుర్చుకున్న ఆక్యుజెన్ ఇంక్... ఇందుకోసం 15మిలియన్ డాలర్ల(రూ.109.23 కోట్లు)ను చెల్లించింది. కెనడాలో కొవాగ్జిన్ పంపిణీ ప్రారంభమైన నెల రోజుల్లోగా మరో 10మిలియన్ డాలర్లను చెల్లించనున్నట్లు ఆక్యుజెన్ తెలిపింది.
కెనడా మార్కెట్లో కొవాగ్జిన్ పంపిణీపై ఈ నెల జూన్ 3న రెండు సంస్థల మధ్య అవగాహన ఒప్పందం కుదిరింది. అమెరికా మార్కెట్కు సంబంధించి వీరి మధ్య ఇప్పటికే ఒప్పందం ఉంది.
కొవాగ్జిన్‌కు(Covaxin) అమెరికాలో అత్యవసర అనుమతి కోసం దరఖాస్తు చేస్తున్నామని, అదే దరఖాస్తును కెనడాలోనూ దాఖలు చేస్తామని ఆక్యుజన్ ఇదివరకే స్పష్టం చేసింది. కొవాగ్జిన్ టీకా పలు రకాల కరోనా వైరస్‌ వేరియంట్లపై సమర్థంగా పనిచేస్తున్నట్లు నిర్ధారణ అవుతోందని, అందువల్ల ఈ టీకాను అమెరికా, కెనడా ప్రజలకు అందించాలనేది తమ లక్ష్యమని పేర్కొంది.
ఇదీ చదవండి: కొవాగ్జిన్, కొవిషీల్డ్‌.. రెండూ భేష్‌
