లాక్​డౌన్​ ఎత్తేస్తే ఉద్యోగాలు తిరిగొస్తాయని భారీ ఆశలు!

కరోనా కట్టడిలో భాగంగా విధించిన లాక్​డౌన్​తో అనేక నెలల పాటు వ్యాపార కార్యకలాపాలు నిలిచిపోయాయి. ఈ నేపథ్యంలో చాలా సంస్థలు వివిధ కారణాలతో ఉద్యోగులను తగ్గించుకున్నాయి. అయితే లాక్​డౌన్​ ఎత్తివేశాక తమ ఉద్యోగాలు తిరిగిపొందుతామని చాలా మంది భారతీయులు అభిప్రాయపడుతున్నారు. ప్రపంచవ్యాప్తంగా జరిపిన ఓ సర్వేలో ఈ విషయం వెల్లడైంది.

దేశవ్యాప్తంగా లాక్​డౌన్​ను పూర్తిగా సడలించిన తర్వాత తాము కోల్పోయిన ఉద్యోగాలు తిరిగి పొందుతామని అనేక మంది భారతీయులు అశలు పెట్టుకున్నారు. ప్రముఖ మార్కెట్ రీసెర్చ్​ సంస్థ ఇప్సాస్​​ చేసిన సర్వేలో ఈ విషయం వెల్లడైంది. ముఖ్యంగా పట్టణ ప్రాంతాల్లోని వారు.. ఉద్యోగం తిరిగి వస్తుందని ఎక్కువ ఆశలు పెట్టుకున్నట్లు సర్వే పేర్కొంది.

మరిన్ని విషయాలు...

• 6రంగాలపై ఈ సర్వే జరిగింది.
• 73శాతం మంది పట్టణ ప్రాంత భారతీయులు లాక్​డౌన్​ తర్వాత ఉద్యోగం తిరిగి వస్తుందని ఆశిస్తున్నారు.
• అమెరికా, ఆస్ట్రేలియా, బ్రెజిల్​లలో మిశ్రమ స్పందన వచ్చింది.
• అత్యధికంగా ఫ్రాన్స్​లో 69శాతం మందిలో ఆంక్షలు ఎత్తివేసినా..ఉద్యోగం వస్తుందనే నమ్మకం లేదు.
• ఫ్రాన్స్​ తర్వాత స్పెయిన్(62 శాతం), దక్షిణ కొరియా, దక్షిణాఫ్రికా(61 శాతం) ఉన్నాయి.

ఇదీ చూడండి:జియో యూజర్లకు డిస్నీ+ హాట్‌స్టార్‌ వీఐపీ ఫ్రీ!