అంతర్జాతీయ రేటింగ్ సంస్థ మూడీస్.. భారతదేశ వృద్ధిరేటు అంచనాలను సవరించింది. గతంలో దేశ వృద్ధిరేటు 13.9 శాతంగా ఉంటుందని అంచనా వేసిన మూడీస్ ఇన్వెస్టర్ సర్వీస్.. ప్రస్తుతం దీనిని 9.6 శాతానికి కుదించింది. మాక్రో ఎకనామిక్స్ ఇండియా పేరిట నివేదిక విడుదల చేసింది. కొవిడ్ రెండో దశ.. 2021 ఏడాది వృద్ధి రేటు అంచనాలపై తీవ్ర ప్రభావం చూపినట్లు పేర్కొంది.
2021లో 9.6 శాతంగా 2022లో 7శాతంగా వాస్తవ జీడీపీ వృద్ధిరేటు ఉంటుందని అంచనా వేసింది. టీకాల పంపిణీ కార్యక్రమం వేగవంతం, ఆంక్షల సడలింపుల కారణంగా ద్వితీయార్థంలో ఆర్థిక కార్యకలాపాలు పెరుగుతాయన్న మూడీస్.. ఆర్థిక వ్యవస్థ నష్టాలు ఏప్రిల్- జూన్ త్రైమాసికానికే పరిమితం అవుతాయని అంచనా వేసింది.
ఇదీ చూడండి: రూ.5.8వేల కోట్ల 'మాల్యా' షేర్లు విక్రయం
