ప్రజలకు అంతర్జాలాన్ని దగ్గర చేసిన ఇంటర్నెట్ ఎక్స్ప్లోరర్ ఇక కాలగర్భంలో కలిసిపోనుంది. వెబ్బ్రౌజర్ ఇంటర్నెట్ ఎక్స్ప్లోరర్ను నిలిపివేయాల్సిన సమయం ఆసన్నమైందని మైక్రోసాఫ్ట్ తెలిపింది. అయితే ఒకేసారి కాకుండా దశలవారిగా వీటి సేవలను ఆపివేస్తామని పేర్కొంది.
మైక్రోసాఫ్ట్ 365 యాప్ సేవలు భవిష్యత్తులో దీనిని సపోర్ట్ చేయవని వెల్లడించింది మైక్రోసాఫ్ట్. 2021 ఆగస్టు 17 నుంచి ఆఫీస్-365, వన్డ్రైవ్, ఔట్లుక్ వంటివి ఎక్స్ప్లోరర్-11 ను సపోర్ట్ చేయవని.. ఈ ఏడాది నవంబర్ 30 తర్వాత తమ టీమ్ కూడా అందుబాటులో ఉండదని పేర్కొంది. ఇక ఎడ్జ్లెగస్సీ డెస్క్టాప్ యాప్నకు కూడా వచ్చే ఏడాది మార్చి 9 నుంచి స్వస్తి పలుకుతున్నట్లు స్పష్టం చేసింది మైక్రోసాఫ్ట్.
ఇదీ చదవండి: ఆన్లైన్ ఫార్మా రంగంలోకి రిలయన్స్- అమెజాన్కు పోటీ
