దేశీయ ఆటోమొబైల్ దిగ్గజం మారుతీ సుజుకీ.. చిన్న సైజు కారు 'ఆల్టో'లో మరో కొత్త మోడల్ను ఆవిష్కరించింది. బీఎస్6 ఇంజిన్, సీఎన్జీతో నడిచే ఈ కొత్త మోడల్ ధరను రూ.4.32 లక్షలు (దిల్లీ ఎక్స్ షోరూం)గా నిర్ణయించింది. ఈ చిన్న కారు కిలో సీఎన్జీకి 31.59 కిలోమీటర్లు ప్రయాణిస్తుందని కంపెనీ వెల్లడించింది.
"ఆల్టో బీఎస్-6 ఎస్-సీఎన్జీ కారుతో పర్యావరణ పరిరక్షణకు కోరకు మా ప్రయత్నాలను ప్రారంభించాము. చమురు దిగుమతులను తగ్గించి, 6.2 శాతంగా ఉన్న సహజవాయువు వినియోగాన్ని 2030 నాటికి 15 శాతానికి పెంచాలన్న కేంద్ర ప్రభుత్వ లక్ష్యానికి అనుగుణంగా ఈ కారును మార్కెట్లోకి విడుదల చేశాం."
- శశాంక్ శ్రీవాస్తవ, ఎంఎస్‌ఐ ఎగ్జిక్యూటివ్ డైరెక్టర్ (మార్కెటింగ్ & సేల్స్).
ఈ కార్ల దిగ్గజం ఇప్పటికే దేశవ్యాప్తంగా ఒక లక్షకు పైగా బీఎస్-6 ఆల్టో వాహనాల విక్రయాలు చేసింది.
ఇదీ చూడండి: పాక్‌ వద్ద పది.. భారత్‌ వద్ద నాలుగే..!
