అమెరికా ఫెడరల్ రిజర్వ్ విధాన నిర్ణయ ప్రకటన వెలువడనున్న నేపథ్యంలో ఆసియా సహా అంతర్జాతీయ మార్కెట్లు లాభనష్టాల మధ్య ఊగిసలాడుతున్నాయి. ఈ ప్రభావం దేశీయ సూచీలపైనా పడింది.
ఏడు సెషన్లుగా అధిక వృద్ధిని నమోదు చేసిన స్టాక్మార్కెట్లు నేడు స్వల్ప లాభాలతో కొనసాగుతున్నాయి. ప్రస్తుతం సెన్సెక్స్ 53 పాయింట్ల లాభంతో 38వేల416 వద్ద కొనసాగుతుండగా, నిఫ్టీ పాయింట్ వృద్ధితో 11వేల 533 వద్ద ట్రేడవుతోంది.
ముడిచమురు ధరలే కారణం
అంతర్జాతీయంగా ముడి చమురుకు డిమాండ్ పెరిగింది. కొంత కాలంగా స్తబ్ధుగా ఉన్న ధరలు ఒక్కసారిగా పెరిగి నాలుగు నెలల గరిష్టానికి చేరుకున్నాయి. బ్యారెల్ ముడిచమురు ధర 67.47 డాలర్లకు చేరుకుంది.
లాభాల్లో ఉన్నవి ఇవే
వేదాంత, హెచ్సీఎల్, ఎల్ అండ్ టీ, యాక్సిస్ బ్యాంక్.
నష్టాల్లో ఉన్నవి
ఓఎన్జీసీ, ఎన్టీపీసీ, కోల్ ఇండియా, ఎస్బీఐ, ఐసీఐసీఐ బ్యాంక్
రూపాయి జోరుకు బ్రేక్
రూపాయి జోరుకు అడ్డుకట్ట పడింది. ట్రేడింగ్ ప్రారంభ సమయానికి 19 పైసలు పతమైంది. ప్రస్తుతం రూపాయి మారకం విలువడాలర్తో పోలిస్తే 69 రూపాయల 15 పైసలుగా ఉంది.
