స్టాక్మార్కెట్లను ప్రతికూల సంకేతాలు వెంటాడుతున్నాయి. నేటి ట్రేడింగ్లో సూచీలు తీవ్ర ఒడుదొడుకులకు లోనవుతున్నాయి. సౌదీలోని ఆరాంకో చమురు క్షేత్రాలపై దాడి అనంతరం... అంతర్జాతీయంగా ముడిచమురు ధరలు భారీగా పెరిగాయి. ఈ నేపథ్యంలో దేశీయ మార్కెట్లూ నష్టాల బాట పట్టాయి. ఆరంభంలో బొంబాయి స్టాక్ ఎక్స్చేంజి సూచీ సెన్సెక్స్ 260 పాయింట్లకు పైగా పతనమైంది. ప్రస్తుతం.. 230 పాయింట్ల నష్టంతో 37 వేల 154 వద్ద కొనసాగుతోంది.
జాతీయ స్టాక్ ఎక్స్చేంజి సూచీ నిఫ్టీ 60 పాయింట్లు కోల్పోయింది. ప్రస్తుతం 11,016 వద్ద ట్రేడవుతోంది.
ఎఫ్ఎంసీజీ, ఐటీ మినహా మిగతా బ్యాంకింగ్, ఆటో, ఇన్ఫ్రా రంగాల్లో కొనుగోళ్లు క్షీణించాయి.
లాభనష్టాల్లోనివివే...
బీపీసీఎల్, ఐఓసీ, హెచ్పీసీఎల్, ఏషియన్ పెయింట్స్, యెస్ బ్యాంక్, ఆర్ఐఎల్, యూపీఎల్, టాటా మోటర్స్, ఎస్బీఐలు డీలా పడ్డాయి.
ఇండియాబుల్స్ హౌసింగ్, టీసీఎస్, బెల్, ఓఎన్జీసీ, గెయిల్, హుడ్కో ఆరంభ ట్రేడింగ్లో రాణించాయి.
రూపాయి..
నేటి ఆరంభ ట్రేడింగ్లో రూపాయి 70 పైసలు క్షీణించింది. డాలర్తో పోలిస్తే ప్రస్తుతం మారకం విలువ 71.62 వద్ద ట్రేడవుతోంది.
