స్టాక్ మార్కెట్లను ఈ వారం స్థూల ఆర్థిక గణాంకాలు, కార్పొరేట్ల త్రైమాసిక ఫలితాలు ముందుకు నడిపించనున్నాయి. కరోనా సంబంధిత వార్తలు కూడా మార్కెట్లను ప్రభావితం చేయనున్నాయని విశ్లేషకులు అంటున్నారు.
ఈ వారంలోనే పారిశ్రమికోత్పత్తి, రిటైల్, టోకు ద్రవ్యోల్బణం గణంకాలు విడుదల కానున్నాయి. ఈ గణాంకాలు మార్కెట్లను ప్రధానంగా ప్రభావితం చేసే అంశాలుగా చెబుతున్నారు నిపుణులు.
మరో వైపు అంతర్జాతీయంగా అమెరికా-చైనాల మధ్య కొనసాగుతున్న ఉద్రిక్త పరిస్థితులపైనా మదుపరులు దృష్టి సారించే అవకాశముందని మోతీలాల్ ఓస్వాల్ ఫైనాన్షియల్ సర్వీసెస్ సిద్దార్థ కింకా అన్నారు.
దేశీయంగా కరోనా కేసులల్లో వృద్ధి, నిరాశాజనకంగా సాగుతున్న కంపెనీల త్రైమాసిక ఫలితాలు మదుపరుల సెంటిమెంట్ను ప్రభావితం చేసే అంశాలని రెలిగేర్ బ్రోకరేజీ సంస్థ అజిత్ మిశ్రా అభిప్రాయపడ్డారు.
ఈ వారంలో దిగ్గజ సంస్థలు కోటక్ మహీంద్రా బ్యాంక్, నెస్లే ఇండియా, బంధన్ బ్యాంక్, మారుతీ సుజుకీలు 2019-20 నాలుగో త్రైమాసిక ఫలితాలు ప్రకటించనున్నాయి.
ముడిచమురు ధరలు, రూపాయి ఒడుదొడకులు కూడా మార్కెట్లను ప్రభావితం చేసే అంశాలుగా ఉండనున్నాయి.
ఇదీ చూడండి:ప్రభుత్వ రంగ బ్యాంకర్లతో రేపు నిర్మల భేటీ
