స్టాక్ మార్కెట్లపై ఈ వారం స్థూల ఆర్థిక గణాంకాలు, కంపెనీల త్రైమాసిక ఫలితాలు, అంతర్జాతీయ పరిణామాలు, కరోనా వైరస్ వార్తలు ప్రధానంగా ప్రభావం చూపనున్నాయి.
ఈ వారమే ఐఐపీ, రిటైల్ ద్రవ్యోల్బణం గణాంకాలు వెల్లడికానున్నాయి. ఈ గణాంకాల ఆధారంగా మదుపరుల స్పందన ఉండొచ్చని విశ్లేషకులు చెబుతున్నారు.
ప్రపంచవ్యాప్తంగా కరోనా కేసులు 2 కోట్లకు చేరువైన నేపథ్యంలో మదుపరుల సెంటిమెంట్పై ప్రభావం పడే అవకాశం ఉందని స్టాక్ బ్రోకర్లు అంటున్నారు. కరోనా వ్యాక్సిన్ ట్రయల్స్పై సానుకూల సమాచారం వస్తే.. మదుపరుల సెంటిమెంట్ బలపడొచ్చని అశాభావం వ్యక్తం చేస్తున్నారు.
అంతర్జాతీయంగా అమెరికా-చైనా మధ్య ఇంకా పలు అంశాల్లో విభేదాలు కొనసాగుతుండటం వల్ల మార్కెట్లు ఈ వారం కాస్త ఒడుదొడుకులు ఎదుర్కోవచ్చని నిపుణులు అంచనా వేస్తున్నారు.
ఈ వారం త్రైమాసిక ఫలితాలు ప్రకటించే కంపెనీల్లో.. బ్యాంక్ ఆఫ్ బరోడా, సెంట్రల్ బ్యాంక్, బీపీసీఎల్, హీరో మోటోకార్ప్, ఎంఆర్ఎఫ్, ఎన్టీపీసీ ప్రధానంగా ఉన్నాయి. ఈ కంపెనీల ప్రకటనలు కూడా ఈ వారం ట్రేడింగ్ను ప్రభావితం చేయనున్నాయి.
వీటితోపాటు ముడి చమురు ధరలు, రూపాయి కదలికలు మార్కెట్లను ప్రభావితం చేసే సాధారణ అంశాలుగా ఉండనున్నాయి.
