దేశీయ ఆటోమొబైల్ కంపెనీ మహీంద్రా & మహీంద్రా(ఎం&ఎం).. ఎక్స్యూవీ 700 మోడల్లో మరో రెండు కొత్త వేరియంట్లను మంగళవారం ఆవిష్కరించింది. ఏఎక్స్7 పేరుతో.. ఒక వేరియంట్ను ఆటోమెటిక్ ట్రాన్స్మిషన్తో, మరో వేరియంట్ను మాన్యువల్ ట్రాన్స్మిషన్తో మార్కెట్లోకి తీసుకొచ్చింది. ఈ రెండు వేరియంట్లు డీజిల్ ఇంజిన్తో అందుబాటులో ఉంటాయని వెల్లడించింది కంపెనీ. రెండూ 7 సీటింగ్ సామర్థ్యాన్ని కలిగి ఉన్నట్లు పేర్కొంది.
ఏఎక్స్7 లగ్జరీ ఎంటీ వేరియంట్ ధరను (ముంబయి ఎక్స్షోరూం) రూ.19.99 లక్షలుగా నిర్ణయించింది కంపెనీ. ఏఎక్స్7 లగ్జరీ ఏటీ+ ఏడబ్ల్యూడీ వేరియంట్ ధరను రూ.22.89 లక్షలుగా నిర్ణయించింది. అయితే ఈ ధరలు మొదటి 25 వేల బుకింగ్స్కు మాత్రమే వర్తిస్తాయని ఎం & ఎం వెల్లడించింది. బుకింగ్స్ అక్టోబర్ 7న ప్రారంభమవుతాయని తెలిపింది.
ఎం & ఎం ఇంతకుముందే.. ఎక్స్యూవీ 700 సిరీస్లో రెండు వేరియంట్లను తీసుకొచ్చింది. ఎంఎక్స్, ఏఎక్స్ పేర్లతో విడుదలైన వీటి ప్రారంభ ధరను రూ.11.99 లక్షలుగా నిర్ణయించింది కంపెనీ.
ఏఎక్స్7 లగ్జరీ వేరియంట్ విశేషాలు..
ఇది వరకు విడుదలైన ఏఎక్స్7కు అదనంగా పలు ఫీచర్లను ఏఎక్స్7 లగ్జరీ వేరియంట్లో పొందుపరిచింది కంపెనీ. 3డీ సౌండ్, స్మార్ట్ డోర్ హ్యాండిల్స్, 360 డిగ్రీల సరౌండ్ వ్యూ, ఎలక్ట్రిక్ పార్క్ బ్రేక్, కీలెస్ ఎంట్రీ, వైర్లెస్ ఛార్జింగ్ సహా పలు ఇతర సదుపాయాలు ఇందులో ఉన్నట్లు తెలిపింది ఎం & ఎం.
దీనితో పాటు కంపెనీ వెబ్సైట్లో ఎక్స్యూవీ 700 కార్ల కోసం.. యాడ్ టూ కార్ట్ ఫీచర్ను తీసుకొచ్చింది. అటోమొబైల్ కంపెనీల వెబ్సైట్లో ఇలాంటి ఫీచర్ తీసుకొచ్చిన తొలి కంపెనీ ఇదే కావడం గమనార్హం. దీని ద్వారా.. ఇంజిన్ టైప్, కలర్, సీటింగ్ కెపాసిటీ, కాన్ఫిగరేషన్ వంటివాటిని కస్టమైజ్ చేసుకునే వీలు కలగనుంది.
ఇవీ చదవండి:
