రోజురోజుకూ వంట గ్యాస్ ధరతో పాటే వినియోగం కూడా పెరిగిపోతోందని ఇండియన్ ఆయిల్ కార్పొరేషన్(ఐఓసీ) పేర్కొంది. ముఖ్యంగా ప్రధానమంత్రి ఉజ్వల యోజన(పీఎంయూవై) లబ్ధిదారుల్లో డిసెంబర్ 2020 నుంచి ఫిబ్రవరి 2021 మధ్య ఈ వినియోగం 23.2 శాతం మేర పెరిగిందని ఐఓసీ వివరించింది. ఈ పథకం ద్వారా లబ్ధిదారులకు.. ఏటా 3 వంటగ్యాస్ సిలిండర్లు ఉచితంగా అందుతాయి.
ఐఓసీ ఏం చెప్పిందంటే..
- మొత్తం వినియోగదారుల్లో ఈ మూడు నెలల వ్యవధిలో.. 7.3 శాతం మేర వినియోగం పెరిగింది.
- పీఎంయూవై లబ్ధిదారుల్లో.. 2019-20 ఆర్థిక సంవత్సరంతో పోల్చితే 2020-21లో 19.5 శాతం మేర పెరిగింది.
- ఫిబ్రవరి 2021 వరకూ చూస్తే.. గతేడాదితో పోలిస్తే తరువాతి సంవత్సరంలో దాదాపు 10.3 శాతం మేర ఎల్పీజీ వినియోగం పెరిగింది.
- అంతే కాకుండా ఎల్పీజీ వాడకం 2014లో 55 శాతంగా ఉంటే ప్రస్తుతం అది 99 శాతంగా ఉంది.
ప్రతి ఒక్కరికీ ఎల్పీజీ అందుబాటులో ఉండాలన్న లక్ష్యంతో పీఎంయూవై పథకం కింద కేంద్రం రూ. 12,800 కోట్ల వ్యయంతో 8 వేల కుటుంబాలకు ఎల్పీజీ కనెక్షన్లు ఇచ్చింది.
ఇదీ చూడండి:చమురు మంట.. ఆరేదెట్టా?
