ఈ రోజుల్లో ఫోన్ పోవడం అంటే ఒక పరికరాన్ని కోల్పోవడం మాత్రమే కాదు. ఎందుకంటే అందులో మన వ్యక్తిగత చిత్రాలు, ఈ-మెయిల్స్, మెసేజ్లు సహా సున్నితమైన సమాచారం ఉంటుంది. వీటన్నింటిని ఒక్కసారిగా కోల్పోవడం మనల్ని తీవ్ర భావోద్వేగానికి గురిచేస్తుంది కదా! మరేం ఫర్వాలేదు. గూగుల్ తల్లి మీకు సాయపడుతుంది. అది ఎలా అంటారా?
గూగుల్... అధునాతన సాంకేతిక పరిజ్ఞానం సాయంతో మీ ఫోన్ను కనుగొనడం చాలా సులభం. ఇందుకోసం... మీ అన్ని గూగుల్ ఖాతాల్లోనూ జీపీఎస్ను టర్న్ఆన్ చేసి ఉండాలి. అలాగే వర్కింగ్ డేటా కనెక్షన్ను కలిగి ఉండాలి. అంతే... మీరు డెస్క్టాప్ లేదా మొబైల్ ఫోన్ ఉపయోగించి పోగొట్టుకున్న మీ ఫోన్ను ఎక్కడ ఉన్నా సరే సులభంగా కనుగొనవచ్చు.
డెస్క్టాప్ ఉపయోగించి...
1. మీ జీ-మెయిల్ ఖాతాలోకి సైన్ ఇన్ చేయండి. తరువాత హోం పేజీకి వెళ్లండి. కుడివైపు ఎగువన ఉన్న ప్రొఫైల్ ఆప్షన్ను ఎంచుకోండి.
2. గూగుల్ ఖాతాను క్లిక్ చేసి, ఎడమ వైపున ఉన్న 'భద్రత'(సెక్యూరిటీ)ని ఎంచుకోండి. అక్కడ 'మీ పరికరాలు' (యువర్ డివైసెస్) కింద 'పోగొట్టుకున్న/చోరీకి గురైన ఫోన్ కనుగొనండి'పై నొక్కండి.
3. మీరు వెతుకుతున్న పరికరాన్ని (డివైస్)ను ఎంచుకోండి.
4. మీ జీ-మెయిల్ పాస్వర్డ్ను నమోదు చేసి, మీ గుర్తింపును ధ్రువీకరించుకోండి.
మొబైల్ ఉపయోగించి...
1. ఫోన్లోని గూగుల్ యాప్ తెరచి, 'మేనేజ్ యువర్ గూగుల్ అకౌంట్'ను క్లిక్ చేయండి.
2. మీ ఖాతా పైభాగంలోకి వెళ్లి 'భద్రత' (సెక్యూరిటీ)ని నొక్కండి.
3. 'మీ పరికరాలు' (యువర్ డివైసెస్) కింద 'పోగొట్టుకున్న/ చోరీకి గురైన ఫోన్ కనుగొనండి'ని ఎంచుకోండి.
4. మీరు వెతుకున్న పరికరాన్ని (డివైస్)ని ఎంచుకోండి. మీ జీ-మెయిల్ పాస్వర్డ్ నమోదు చేసి మీ గుర్తింపును ధ్రువీకరించుకోండి.
మీరు మీ పాస్వర్డ్ను నమోదు చేసిన తరువాత, మీరు 'పోగొట్టుకున్న ఫోన్' ఉన్న ప్రాంతాన్ని అనుసరించి ఐకాన్ బూడిద రంగులోకి మారుతుంది. ఫోన్ 'కరంట్ లొకేషన్'లో ఉన్నప్పుడు ఐకాన్ ఆకుపచ్చగా కనిపిస్తుంది. అది మళ్లీ స్థానం మారితే ఐకాన్ బూడిద రంగులోకి మారుతుంది. ఐకాన్ ఆకుపచ్చ రంగులో ఉన్నప్పుడు దానిపై ట్యాప్ చేస్తే, అది మిమ్మల్ని గూగుల్ మ్యాప్స్కు నిర్దేశిస్తుంది. అది మీ ఫోన్ను కనుగొనడానికి దారిచూపిస్తుంది.
మీరు పోగొట్టుకున్న మొబైల్ మీకు దగ్గరగా ఉంటే...'ప్లే సౌండ్ పోస్ట్'ను క్లిక్ చేయండి. అది మీ ఫోన్ సైలెంట్ మోడ్లో ఉన్నాసరే 5 నిమిషాలపాటు బయటకు రింగ్ వినిపించేలా చేస్తుంది. ఇలా మీరు పోగొట్టుకున్న ఫోన్ను సులభంగా పొందండి.
ఇదీ చూడండి: స్నేహం... అక్షరాలకందని అనుభూతుల జీవన ప్రయాణం...
