వేగవంతమైన మొబైల్ నెట్వర్క్గా రిలయన్స్ జియో మరోసారి అగ్రస్థానంలో నిలిచింది. ఏప్రిల్ నెలకు గానూ 20.1 ఎంబీపీఎస్ డౌన్లోడ్ స్పీడ్తో 4జీ నెట్వర్క్ అందించినట్లు టెలికాం నియంత్రణ సంస్థ (ట్రాయ్) వెల్లడించింది.
వొడాఫోన్ 7 ఎంబీపీఎస్ డౌన్లోడ్ స్పీడ్తో రెండో వేగవంతమైన టెలికాం నెట్వర్క్గా నిలిచింది. ఐడియా, ఎయిర్టెల్ డౌన్లోడ్ స్పీడ్ వరుసగా 5.8 ఎంబీపీఎస్, 5 ఎంబీపీఎస్గా ఉన్నట్లు ట్రాయ్ వివరించింది.
అప్లోడ్లో ఇలా..
అప్లోడ్ విషయంలో మాత్రం 6.7 ఎంబీపీఎస్ స్పీడ్తో వొడాఫోన్ అగ్రస్థానంలో నిలిచింది. ఐడియా 6.1 ఎంబీపీఎస్ స్పీడ్తో రెండో స్థానంలో ఉంది.
జియో, ఎయిర్టెల్ నెట్వర్క్ వరుసగా 4.2 ఎంబీపీఎస్, 3.9 ఎంబీపీఎస్ స్పీడ్తో 3, 4 స్థానాలతో సరిపెట్టుకున్నాయి.
మై స్పీడ్ అప్లికేషన్ సాయంతో దేశవ్యాప్తంగా వివిధ ప్రాంతాల నుంచి సేకరించిన డేటా ద్వారా ఈ నివేదికను రూపొందించింది ట్రాయ్.
ఇదీ చదవండి:మస్క్ యూటర్న్- బిట్కాయిన్ 17% పతనం!
