త్వరలో ప్రారంభం కాబోయే ఐపీఎల్ సీజన్‌కు ప్రముఖ టెలికాం సంస్థ జియో భారీ ఆఫర్లతో సిద్ధమైంది. క్రికెట్ ప్రియులకు వినోదాన్ని పంచేందుకు కొత్త ప్రీపెయిడ్‌ ప్లాన్లను తీసుకొచ్చింది. లైవ్ మ్యాచ్‌లు ప్రసారం చేసే డిస్నీ+ హాట్‌స్టార్‌ సబ్‌స్క్రిప్షన్‌తో కూడిన నాలుగు ప్లాన్లను తాజాగా విడుదల చేసింది.
ఈ ప్లాన్ల ధరలను రూ.401, రూ.499, రూ.777, రూ.2,599గా నిర్ణయించింది.
ఆఫర్ల వివరాలు..
- రూ.401 ప్లాన్ కింద యూజర్లకు ఏడాది పాటు డిస్నీ+ హాట్‌స్టార్‌ సేవలు ఉచితంగా లభించనున్నాయి. నెలరోజుల వ్యాలిడిటీతో 90 జీబీ డేటా అందిస్తున్నారు. దీనితో పాటు అన్‌లిమిటెడ్‌ కాలింగ్‌ సదుపాయం కూడా ఇస్తున్నారు.
- రూ.499 ప్లాన్ కింద డిస్నీ+ హాట్‌స్టార్‌ సబ్‌స్క్రిప్షన్‌తో 84 జీబీ డేటా లభిస్తుంది. 2 నెలల వ్యాలిడిటీ కలిగిన ఈ ప్లాన్‌లో ఎలాంటి కాల్స్‌ లభించవు.
- రూ.777 ప్లాన్‌లో డిస్నీ+ హాట్‌స్టార్‌ సబ్‌స్క్రిప్షన్‌, 3 నెలల వ్యాలిడిటీ, 131 జీబీ డేటా, ఉచిత కాల్స్‌ లభిస్తాయి.
- ఏడాది కాలపరిమితి కలిగిన రూ.2,599 ప్లాన్ కింద డిస్నీ+హాట్‌స్టార్‌ సబ్‌స్క్రిప్షన్‌తో పాటు 740 జీబీ డేటా, అన్‌లిమిటెడ్‌ కాల్స్‌ చేసుకునే వీలుంది.జియో ఆఫర్లు
ఇదీ చూడండి:'భారీ సంస్కరణలతోనే ఆర్థిక రికవరీ సాధ్యం'
