దేశీయ టెలికాం దిగ్గజం రిలయన్స్ జియో యూజర్లకు మరో సరికొత్త రీఛార్జ్ ప్లాన్ అందుబాటులోకి వచ్చింది. ఏడాది కాలపరిమితి ఉండే ఈ ప్లాన్ రూ.3,499కి లభించనుంది.
ఫ్లాన్ వివరాలు..
- రోజుకు 3జీబీ.. 4జీ డేటా లిమిట్ (ఏడాది కాలానికి 1095 జీబీ డేటా)
- రోజులో 3జీబీ డేటా పరిమితి పూర్తయిన తర్వాత 64కేబీపీఎస్ నెట్ స్పీడ్
- వాయిస్ కాలింగ్‌ అపరిమితం, రోజు 100 ఎస్ఎంఎస్లు ఉచితం
అదనపు సదుపాయాలు..
- డిస్నీ+హాట్స్టార్ వీఐపీ సబ్స్క్రిప్షన్ ఉచితం (ఏడాది పాటు)
- జియో టీవీ, జియో సినిమా, జియో న్యూస్, జియో సెక్యురిటీ, జియో క్లౌడ్‌ సేవలను ఉచితంగా పొందొచ్చు
మరో రెండు వార్షిక ప్లాన్లు..
జియో ఇప్పటికే సంవత్సరం వ్యాలిడిటీతో కూడిన రెండు ప్లాన్లను అందిస్తోంది. రూ.2,599 ప్లాన్ ద్వారా 365 రోజులపాటు.. రోజుకు 2 జీబీ 4జీ డేటా, అపరిమిత వాయిస్ కాల్స్, 100 ఎస్ఎంఎస్లు పొందొచ్చు. 10 జీబీ అదనపు 4జీ డేటా కూడా లభిస్తుంది. డిస్నీ+ హాట్ స్టార్ సబ్స్క్రిప్షన్ ఏడాది పాటు ఉచితం.
రూ.2,399 ప్లాన్తో కూడా 365 రోజులపాటు రోజుకు 2జీబీ 4జీ డేటా, అపరిమిత వాయిస్ కాల్స్, 100 ఎస్ఎంఎస్లు పొందొచ్చు. ఇందులో జియో టీవీ, జియో న్యూస్ సహా ఇతర జియో సర్వీసులను మాత్రమే ఉచితంగా పొందగలుగుతారు.
ఇదీ చదవండి:సెప్టెంబర్ 10న మార్కెట్లోకి 'గూగుల్-జియో' స్మార్ట్ఫోన్
