ప్రముఖ ఈ కామర్స్ సంస్థ అమెజాన్ వ్యవస్థాపకుడు(Amazon founder), సీఈఓ జెఫ్ బెజోస్(Jeff Bezos) రిటైర్మెంట్కు సిద్ధమయ్యారు. సీఈఓ పదవి నుంచి సోమవారమే (జులై 5) ఆయన తప్పుకోనున్నారు. 57 ఏళ్ల వయస్సులో రిటైర్ అవుతున్న జెఫ్ బెజోస్ గురించి కొన్ని ఆసక్తికరమైన విషయాలు చూద్దాం.
- 1965 జనవరి 12న న్యూ మెక్సికోలో జన్మించారు జెఫ్ బెజోస్.బెజోస్ చిన్నప్పుడు ఆయన తల్లితో
- ప్రిన్స్టన్న్ యూనివర్సిటీలో ఇంజనీరింగ్, కంప్యూటర్ సైన్స్ నుంచి పట్టా పొందారు.
- చదువు పూర్తయిన తర్వాత ఇంటెల్, బెల్ ల్యాబ్స్ సహా పలు ఇతర సంస్థల్లో పని చేశారు.
- ఆయనకు 30 ఏళ్ల వయస్సున్నప్పుడు ఇంటర్నెట్ బూమ్ చూసి.. తాను పని చేస్తున్న సంస్థకు రాజీనామా చేశారు. సొంతంగా కంపెనీ పెట్టాలని నిర్ణయించుకున్నారు.
- ఆ ఆలోచనతోనే 1994 జులై 5న అమెజాన్ ప్రారంభమైంది. తొలినాళ్లలో సెకండ్ హ్యాండ్ బుక్స్ అమ్మె సంస్థగా అమెజాన్ సేవలందించింది. కొన్నాళ్లకే ప్రపంచవ్యాప్తంగా చాలా దేశాలకు కార్యకలాపాలను విస్తరించింది. ఇప్పుడు అమెజాన్లో దొరకని వస్తువంటూ లేదనే స్థాయికి ఎదిగింది.
- బ్లూమ్బర్గ్ బిలియనీర్స్ ఇండెక్స్ ప్రకారం బెజోస్ దాదాపు 199 బిలియన్ డాలర్ల సంపదతో రిటైర్ అవుతున్నారు.
- ప్రస్తుతం ప్రపంచంలో అత్యంత సంపన్నుడు కూడా జెఫ్ బెజోసే కావడం విశేషం. పలు దేశాల జీడీపీ కన్నా జెఫ్ బెజోస్ సంపదే ఎక్కువ కావడం గమనార్హం.
- అమెజాన్ సీఈఓ బాధ్యతలకు గాను జెఫ్ బెజోస్ గత ఏడాది 81,840 డాలర్ల వేతనాన్ని, 1.6 మిలియన్ల డాలర్ల పారితోషికాన్ని అందుకున్నారు.
- 65 ఏళ్లు దాటిన సగటు అమెరికన్తో పోలిస్తే.. జెఫ్ బెజోస్ సంపద 739,489 రెట్లు ఎక్కువ.
- రిటైర్మెంట్ సమయానికి సగటు అమెరికన్ సంపద 266,400 డాలర్లుగా ఉంటుందని నివేదికలు చెబుతున్నాయి.
- ప్రపంచవ్యాప్తంగా కరోనా సంక్షోభం కుదిపేసినా.. 2020లో బెజోస్ సంపద 75 బిలియన్ డాలర్లు పెరిగింది.
- అమెరికాలోని సగటు కార్మికులు వారంలో సంపాదించే మొత్తంతో పోలిస్తే.. బెజోస్ ఒక సెకనులో సంపదించే మొత్తమే ఎక్కువ.
- బెజోస్ సంపదే కాదు.. పలు ఇతర విషయాల్లోనూ రికార్డు సృష్టించారు. ముఖ్యంగా భార్య మెకాంజీ స్కాట్తో 2019లో విడాకులు తీసుకోగా.. అందుకు 38 బిలియన్ డాలర్ల భరణం చెల్లించారు బెజోస్.మాజీ భార్య మెకాంజీతో బెజోస్
- రిటైర్మెంట్ తర్వాత బెజోస్ క్రేజీ లైఫ్ స్టైల్ను అనుసరించనున్నట్లు తెలుస్తోంది. ఇదే నెలలో ఆయనకు చెందిన బ్లూ ఆరిజిన్ వ్యోమనౌక ద్వారా అంతరిక్షంలోకి ప్రయాణించనున్నారు.బ్లూ ఆరిజిన్ అంతరిక్ష నౌకతో బెజోస్
- వీటన్నింటితో పాటు.. కార్మికులకు సరైన వసతులు కల్పించడం లేదని, ఆదాయపు పన్ను చెల్లించలేదని, లాబీయింగ్ కోసం ఎక్కువగా ఖర్చులు చేస్తున్నట్లు బెజోస్పై విమర్శలు కూడా ఉన్నాయి.
సీఈఓగా వైదొలగినా...
జెఫ్ బెజోస్ సీఈఓ పదవి నుంచి వైదొలగిన తర్వాత.. ఆ బాధ్యతల్ని సన్నిహితుడు ఆండీ జాస్సీకి(Andy Jassy) అప్పగించనున్నారు. అయితే, అమెజాన్ నుంచి మాత్రం బెజోస్ పూర్తిగా తప్పుకోవడం లేదు. ఎగ్జిక్యూటివ్‌ బోర్డుకి ఛైర్మన్‌గా వ్యవహరించనున్నారు. ఆండీ జాస్సీ ప్రస్తుతం అమెజాన్ క్లౌడ్ కంప్యూటింగ్ అధిపతిగా ఉన్నారు. ఈయన 1997 నుంచే అమెజాన్లో పని చేస్తున్నారు.
ఇవీ చదవండి:
