మిడ్రేంజ్ సెగ్మెంట్లో తీసుకువచ్చిన పిక్సెల్ 3 శ్రేణి ఫోన్లకు గుడ్బై చెప్పింది గూగుల్. త్వరలో పిక్సెల్ 4ఏ విడుదలవుతున్న నేపథ్యంలో ఈ నిర్ణయం తీసుకుంది. తమ స్టోర్లలోనూ పిక్సెల్ 3 శ్రేణి ఫోన్లు అందుబాటులో ఉండవని స్పష్టం చేసింది గూగుల్. అయితే థర్డ్ పార్టీ స్టోర్లలో మాత్రం.. స్టాక్ అయిపోయే వరకు అందుబాటులో ఉండనున్నట్లు వెల్లడించింది.
నిజానికి పిక్సెల్ 3ఏ నిలిపివేతతోనే.. పిక్సెల్ 3 శ్రేణి ఫోన్ల ప్రస్థానం ముగిసింది. ఈ ఏడాది మార్చి నుంచి పిక్సెల్ 3, 3 ఎక్స్ఎల్లను నిలిపివేసింది సంస్థ. ప్రస్తుతం గూగుల్కు చెందిన ఫోన్లలో పిక్సెల్ 4, 4 ఎక్స్ఎల్లు మాత్రమే అందుబాటులో ఉన్నాయి.
త్వరలోనే పిక్సెల్ 4 శ్రేణిలో.. పిక్సెల్ 4ఏ మోడల్ను విడుదల చేసేందుకు గూగుల్ కసరత్తు చేస్తోంది.
పిక్సెల్ 4ఏ ఫీచర్లు, ధర అంచనాలు..
- 5.81 అంగుళాల డిస్ప్లే
- 6జీబీ ర్యామ్, 64 జీబీ స్టోరేజ్
- స్నాప్డ్రాగన్ 730 ప్రాసెసర్
- ధర 399 డాలర్లు (సుమారు రూ.30 వేలు)
ఇదీ చూడండి:విండోస్ 10 యూజర్లకు అమెజాన్ ప్రైమ్ యాప్
