చిన్న మొత్తాల పొదుపు పథకాలపై కేంద్ర ప్రభుత్వం బుధవారం వడ్డీ రేట్లను 1.1 శాతం వరకు తగ్గించింది. పబ్లిక్‌ ప్రావిడెంట్‌ ఫండ్‌ (పీపీఎఫ్) వడ్డీరేటుపై 0.7 శాతం, నేషనల్‌ సేవింగ్స్‌ సర్టిఫికేట్‌ (ఎన్‌ఎస్‌సీ) వడ్డీరేటుపై 0.9 శాతం తగ్గించింది. సేవింగ్స్‌ డిపాజిట్లపై 0.5 శాతం కోత విధించింది.
చిన్న మొత్తాల పొదుపు పథకాలకు సంబంధించి త్రైమాసికాల వారీగా వడ్డీ రేట్లను నిర్ణయిస్తారు. ఈమేరకు 2021-22 ఆర్థిక సంవత్సరం తొలి త్రైమాసికానికి (ఏప్రిల్‌ 1 నుంచి జూన్‌ 30) సంబంధించి ప్రభుత్వం తాజాగా మార్పులు చేసినట్లు ఆర్థిక శాఖ ఓ ప్రకటనలో తెలిపింది.పీపీఎఫ్‌పై ఇంత తక్కువ వడ్డీరేటు నిర్ణయించడం 1974 తర్వాత ఇదే ప్రథమం.
ఇదీ చదవండి: కరోనాలోనూ భారీగా పెరిగిన 'హెచ్ఏఎల్' ఆదాయం
