ఈ ఏడాది తొలి త్రైమాసికంలో దేశీయంగా బంగారం డిమాండ్ 19.2 శాతం పెరిగి.. 76.1 టన్నులకు చేరినట్లు వరల్డ్ గోల్డ్ కౌన్సిల్ (డబ్ల్యూజీసీ) తాజా నివేదిక ద్వారా తెలిసింది. అయితే గత ఏడాది ఇదే సమయంలో కరోనా సంక్షోభం వల్ల పసిడి డిమాండ్ 63.8 శాతానికి పరిమితమైనట్లు వెల్లడించింది.
'విలువ పరంగా.. ఈ ఏడాది ఏప్రిల్-జూన్ మధ్య పసిడి డిమాండ్ 23 శాతం పెరిగి.. రూ.32,810 కోట్లకు చేరింది. గత ఏడాది ఇదే సమయంలో ఈ మొత్తం రూ.26,600 కోట్లుగా ఉంది' అని డబ్ల్యూజీసీ పేర్కొంది.
ఆభరణాల విభాగంలో పసిడి డిమాండ్.. ఈ ఏడాది రెండో త్రైమాసికంలో 25 శాతం పెరిగి.. 55.1 టన్నులకు చేరింది. 2020 క్యూ2లో ఇది 44 టన్నులుగా ఉంది. ఇదే కాలానికి విలువ పరంగా.. పసిడి డిమాండ్ రూ.18,350 కోట్ల నుంచి రూ.23,750 కోట్లకు (29 శాతం) పెరిగింది.
పసిడిపై పెట్టుబడులు 2021 క్యూ2లో 10 శాతం పెరిగి (2020తో పోలిస్తే) రూ.8,250 నుంచి రూ.9,060 కోట్లకు చేరాయి.
పసిడి డిమాండ్ ఇలా..
దేశీయంగా పసిడి డిమాండ్ పుంజుకున్నప్పటికీ.. అంతర్జాతీయంగా మాత్రం ఫ్లాట్గా ఉన్నట్లు డబ్ల్యూజీసీ నివేదిక పేర్కొంది. వినియోగదారుల నుంచి రికవరీ భారీగా ఉన్నప్పటికీ.. ఏప్రిల్-జూన్ త్రైమాసికంలో బంగారం డిమాండ్ ఒక శాతం తగ్గి.. 955.1 టన్నులుగా నమోదైంది. ఈటీఎఫ్లలోకి ఇన్ఫ్లో తగ్గటం ఇందుకు కారణంగా పేర్కొంది.
2020 రెండో త్రైమాసికంలో అంతర్జాతీయ పసిడి డిమాండ్ 960.5 టన్నులుగా ఉండటం గమనార్హం.
అయితే ఈ ఏడాది రెండో త్రైమాసికంలో వినియోగదారుల నుంచి మాత్రం డిమాండ్ 60 శాతం పెరిగి.. 390.7 టన్నులుగా నమోదైనట్లు తెలిపింది డబ్ల్యూజీసీ. గత ఏడాది ఇదే సమయంలో ఈ డిమాండ్ 244.5 టన్నులుగా తెలిపింది.
గోల్డ్ బార్స్, కాయిన్ల రూపంలో రిటైల్ ఇన్వెస్టర్ల పెట్టుబడులు కూడా 2020 క్యూ2తో పోలిస్తే.. ఈ ఏడాది రెండో త్రైమాసికంలో 156.7 టన్నుల నుంచి 243.8 టన్నులకు పెరిగినట్లు వివరించింది డబ్ల్యూజీసీ.
ఇదీ చదవండి:Gold Rate Today: ఏపీ, తెలంగాణలో తగ్గిన బంగారం ధరలు
