వాట్సాప్ నూతన గోప్యతా విధానంపై కేంద్రం కీలక నిర్ణయం తీసుకుంది. వినియోగదారుల సమాచారాన్ని మాతృసంస్థ ఫేస్బుక్తో పంచుకుంటామని వాట్సాప్ ప్రకటించిన నేపథ్యంలో గోప్యతను ప్రమాణాలను పరిశీలించనుంది. ఈ మేరకు ఫేస్బుక్ యాజమాన్యంతో సంస్థ కొత్తగా తీసుకుని వచ్చిన మార్పులపై కేంద్ర సమాచార,మంత్రిత్వ శాఖ అంతర్గత చర్చలు జరపనుంది.
ప్రస్తుతం వాట్సాప్ తీసుకువచ్చిన గోప్యతా విధానం ఎంతవరకు సరైనదనే దానిపై ప్రధానంగా చర్చించనున్నట్లు అధికార వర్గాలు తెలిపాయి. ఫేస్బుక్తో సమాచారాన్ని ఎలా పంచుకుంటారు? అందుకు తగిన నియమ, నిబంధనలపై కూడా వివరణ కోరనుంది. వాట్సాప్ యూజర్ల డేటా ఫేస్బుక్, దాని అనుబంధ సంస్థలతో పంచుకోవడంపై స్పష్టత కోరనుంది.
దిగ్గజ వ్యాపారవేత్తలు సహా పెద్ద సంఖ్యలో వినియోగదారుల వాట్సాప్ తీసుకు వచ్చిన కొత్త నిబంధనలపై ఆందోళన వ్యక్త చేసిన నేపథ్యంలో ఈ నిర్ణయం తీసుకున్నట్లు కేంద్రం వెల్లడించింది.
మన దేశంలో వాట్సాప్ వినియోగదారులు సంఖ్య సుమారు 40 కోట్ల వినియోగదారులను కలిగి ప్రపంచంలోనై అతిపెద్ద మార్కెట్లో ఒకటిగా ఉంది.
ఇవీ చూడండి:
వాట్సాప్ నూతన విధానం- గోప్యతా హక్కుకు తూట్లు
