కరోనా వ్యాప్తితో కోట్లాదిమంది ప్రజలు ఇళ్లకే పరిమితమయ్యారు. భౌతిక దూరం పాటిస్తూ ఇంటివద్దే ఉంటున్న కారణంగా.. కుటుంబ సభ్యులు, మిత్రుల మధ్య వీడియో కాలింగ్లకు గిరాకీ పెరిగింది. ఈ నేపథ్యంలో టెక్ దిగ్గజం గూగుల్.. డ్యుయోలో ఒకేసారి 12 మందితో సంభాషించే సౌకర్యాన్ని అందుబాటులోకి తీసుకువస్తున్నట్లు ప్రకటించింది. ప్రయోగాత్మకంగా క్రోమ్ బ్రౌజర్లో ఈ సదుపాయం కల్పించనుంది.
గూగుల్ అకౌంట్ ఉన్న వారిని ఓ లింక్ ఆధారంగా ఈ గ్రూప్ వీడియో కాల్కు ఆహ్వానించవచ్చని పేర్కొంది. ఈ వారంలోనే ఈ ఫీచర్ను అందుబాటులోకి తీసుకొస్తామని.. ఆండ్రాయిడ్, ఐఓఎస్లలో దీనిని వినియోగించవచ్చని స్పష్టం చేసింది.
వినోదాత్మకంగా..
వీడియో కాలింగ్ సమయంలో ఎదుటివారిని ఆశ్చర్యపరిచేందుకు మాస్కులు, కళ్లద్దాలు వంటి వినోదాత్మక ఫీచర్లు కూడా అందుబాటులో ఉంటాయని వివరించింది గూగుల్. ఇతరులతో మాట్లాడుతుండగానే ఫొటో కూడా తీసుకునే అవకాశం కల్పించింది. ఒకరోజు జరిపిన వీడియోకాల్, వాయిస్ మెసేజ్లు కూడా ఆటోమేటిక్గా సేవ్ అయ్యే సౌకర్యాన్ని అందుబాటులోకి తెస్తోంది.
అవాంతరాలు లేకుండా..
వీడియో కాలింగ్ సమయంలో అనుకోకుండా మాటలు వినిపించకపోవడం, కాల్ కట్ అయిపోవడం లాంటి అవాంతరాలు లేకుండా మ్యూట్, హ్యాంగ్ అప్ అనే ఆప్షన్లను తాత్కాలికంగా నిలిపేస్తున్నట్లు చెప్పింది గూగుల్.
ఇదీ చదవండి: 'గూగుల్' ఉద్యోగులకు ఏడాదంతా వర్క్ఫ్రమ్ హోమ్!
