అంతర్జాతీయ మార్కెట్లో బంగారం ధర ఏడు సంవత్సరాల గరిష్ఠానికి చేరుకుంది. ఈ ఉదయం ఔన్సు బంగారం ధర 1715.25 డాలర్లు పలికింది. ఏడు సంవత్సరాల క్రితం(డిసెంబర్‌ 2012)లో పసిడి ధర 1722.20 డాలర్లుగా నమోదైంది. ఆ తర్వాత పుత్తడి ఇంత ధర పలకటం ఇదే తొలిసారి.
కరోనా వైరస్‌ (కొవిడ్‌-19) వ్యాప్తితో అంతర్జాతీయంగా ఆర్థిక వ్యవస్థలు కుప్పకూలనున్నాయనే భయాందోళనలు చుట్టుముడుతున్నాయి. ఈ నేపథ్యంలో బంగారంపై పెట్టుబడే సురక్షితమని భావిస్తున్న మదుపరులు, బులియన్‌ మార్కెట్కు తమ పెట్టుబడులను తరలిస్తున్నారు. ఈ పరిణామాలతో వివిధ దేశాలలో లాక్డౌన్ వంటి ఆంక్షలు అమలులో ఉన్నప్పటికీ.. బంగారం ధర తారస్థాయికి చేరుకుందని పరిశీలకులు తెలిపారు.
ఇదీ చూడండి:లాక్డౌన్ ఉన్నా కొత్త కారు కొనుక్కోండిలా...
