స్వల్పంగా పెరిగిన బంగారం, వెండి ధరలు

దేశీయంగా పసిడి, వెండి ధరలు కాస్త పెరిగాయి. 10 గ్రాముల మేలిమి పుత్తడి ధర దిల్లీలో రూ.45 వేల పైకి చేరింది. వెండి ధర కిలో రూ.64,600 దాటింది.

బంగారం, వెండి ధరలు మంగళవారం స్వల్పంగా పెరిగాయి. దిల్లీలో 10 గ్రాముల స్వచ్ఛమైన పసిడి ధర రూ.83 పెరిగి.. రూ.45,049 వద్దకు చేరింది. అంతర్జాతీయంగా పెరిగిన పుత్తడి ధరలు ఇందుకు కారణంగా విశ్లేషకులు చెబుతున్నారు.

పసిడి బాటలోనే వెండి ధర కూడా కిలోకు స్వల్పంగా రూ.62 పెరిగి.. 64,650 వద్దకు చేరింది.

అంతర్జాతీయ మార్కెట్లో ఔన్సు బంగారం ధర 1,733 డాలర్లకు పెరిగింది. వెండి ధర ఔన్సుకు 24.97 డాలర్ల వద్ద ఫ్లాట్​గా ఉంది.

ఇదీ చదవండి:ఆద్యంతం ఒడుదొడుకులు- చివరకు స్వల్ప లాభాలు