విదేశీ నిధుల ప్రవాహంతో లాభాలు

స్టాక్​ మార్కెట్లు లాభాల్లో కొనసాగుతున్నాయి. నేడు జరిగే అమెరికా ఫెడరల్ రిజర్వ్​​ విధాన నిర్ణయ కమిటీ సమావేశం మార్కెట్లపై ప్రభావం చూపించే అవకాశముందని నిపుణులు తెలిపారు.

వరసగా ఏడో సెషన్​లోనూ స్టాక్​ మార్కెట్లు లాభాల్లో కొనసాగుతున్నాయి. మార్చి నెలాఖరున డెరివేటివ్​ క్రాంటాక్టుల ముగింపుతో సూచీలు లాభాల బాటలో పయనిస్తున్నాయి.

73 పాయింట్లు వృద్ధితో ప్రారంభమయిన సెన్సెక్స్​ ప్రస్తుతం 32 పాయింట్ల లాభంతో 38,127 వద్ద ట్రేడవుతోంది. 7 పాయింట్ల లాభంతో నిఫ్టీ 11,469 వద్ద కొనసాగుతోంది.

లాభాల్లో ఉన్నవి

సన్​ ఫార్మా, ఓఎన్​జీసీ, ఎస్​బీఐ, యెస్​ బ్యాంక్​, హెచ్​డీఎఫ్​సీ, హెచ్​సీఎల్​, ఇండస్​ఇండ్​ బ్యాంక్ షేర్లు లాభాల్లో ఉన్నాయి.

నష్టాల్లో ఉన్నవి

హీరో మోటర్​ కార్ప్​, బజాజ్​ ఆటో, ఎల్​ &టీ, వేదాంత సంస్థలు నష్టాల్లో కొనసాగుతున్నాయి.

విదేశీ నిధుల ప్రవాహంతో పాటు అంతర్జాతీయ మార్కెట్లు లాభాల్లో ఉన్నందున భారత మార్కెట్లు సానుకూలంగా ఉన్నాయని నిపుణులు పేర్కొన్నారు. అయితే నేడు జరిగే అమెరికా ఫెడరల్​ రిజర్వ్​ విధాన నిర్ణయ కమిటీ సమావేశం మార్కెట్లపై కొంతమేర ప్రభావం చూపించే అవకాశం ఉందని నిపుణులు అంచనా వేస్తున్నారు.