పదహారో విడత జీఎస్టీ పరిహారం కింద రూ.6 వేల కోట్లు బదిలీ చేస్తున్నట్లు కేంద్ర ఆర్థిక శాఖ సోమవారం ప్రకటించింది. దీంతో... ఇప్పటివరకు మొత్తం రూ.95 వేల కోట్లు విడుదల చేసినట్లు పేర్కొంది.
పలు రాష్ట్రాలకు, కేంద్రపాలిత ప్రాంతాలకు 86 శాతం జీఎస్టీ పరిహారం చెల్లించినట్లు కేంద్రం తెలిపింది. ఇందులో... రాష్ట్రాలకు రూ.86,729 కోట్లు, మూడు కేంద్ర పాలిత ప్రాంతాలు.. దిల్లీ, జమ్ము కశ్మీర్, పుదుచ్చేరి లకు కలిపి రూ. 8,270 కోట్లు బదిలీ చేసినట్లు వెల్లడించింది.
జీఎస్టీ కొరతను తీర్చేందుకు ప్రత్యేక విండో ద్వారా ఈ నిధులను బదిలీ చేస్తున్నట్లు ఆర్థిక శాఖ వివరించింది. ఈ మొత్తాన్ని 4.64 శాతం వడ్డీ రేటుకు అప్పుగా తీసుకున్నట్లు పేర్కొంది.
ఇదీ చదవండి:వాట్సాప్‌లో ఈ ఫీచర్ల గురించి తెలుసా..?
