డిజిటల్ పద్ధతిలో జాతీయ రహదార్లపై టోల్ వసూలు చేసేందుకు ప్రవేశపెట్టిన ఫాస్టాగ్లపై జాతీయ రహదారుల ప్రాధికార సంస్థ(ఎన్హెచ్ఏఐ) మరో కీలక నిర్ణయం తీసుకుంది. వాటి వినియోగం పెంచేందుకు ఈ నెల 29 వరకు ఫాస్టాగ్ల కొనుగోలుకు రూ.100 రుసుము వసూలు చేయొద్దని నిర్ణయించింది.
దేశవ్యాప్తంగా జాతీయ రహదార్లపై ఉన్న 527 టోల్ ప్లాజాల వద్ద ఎలక్ట్రానిక్ పద్ధతిలో ఎన్హెచ్ఏఐ టోల్ వసూలు చేయడం ఇప్పటికే ప్రారంభించిన విషయం విధితమే.
ఏదైన అధికారిక ఫాస్టాగ్ పాయింట్ ఆఫ్ సేల్ వద్ద.. గుర్తింపు పొందిన రిజిస్ట్రేషన్ పత్రాలు చూపించి ఉచితంగా ఫాస్టాగ్ పొందొచ్చని రోడ్డు రవాణా మంత్రిత్వ శాఖ తెలిపింది.
ఎక్కడెక్కడ అందుబాటులో ఉన్నాయి?
జాతీయ రహదార్లపై ఉన్న అన్ని టోల్ ప్లాజాల వద్ద, రీజినల్ ట్రాన్స్పోర్ట్ కార్యాలయాల వద్ద, కామన్ సర్వీస్ సెంటర్లు, ట్రాన్స్పోర్ట్ హబ్లు, పెట్రోల్ పంపుల వద్ద ఫాస్టాగ్లు కొనుగోళ్లకు అందుబాటులో ఉన్నాయి.
ఫాస్టాగ్ల పాయింట్ ఆఫ్ సేల్స్ గురించి తెలుసుకునేందుకు మైఫాస్టాగ్ అనే మొబైల్ యాప్లో గానీ, www.ihmcl.com లోగానీ, 1033కి కాల్ చేసి గానీ తెలుసుకోవచ్చని మంత్రిత్వ శాఖ పేర్కొంది.
అయితే ఫాస్టాగ్ ఉచితంగా ఇచ్చినప్పటికీ.. సెక్యూరిటీ డిపాజిట్లు, ఫాస్టాగ్ ఖాతాలో కనీస నిల్వల మొత్తంలో ఎలాంటి మార్పు లేదని స్పష్టం చేసింది ఎన్హెచ్ఏఐ.
ఇదీ చూడండి:మార్కెట్లోకి పల్సర్ 150 బీఎస్6 వేరియంట్
