ప్రముఖ సామాజిక మాధ్యమ దిగ్గజం ఫేస్బుక్.. అభివృద్ధి చెందుతున్న దేశాల్లో ఉచిత అంతర్జాల సేవలను అందించనుంది. ఇందుకోసం 'డిస్కవర్' అనే కొత్త యాప్ను తీసుకువచ్చింది. దక్షిణ అమెరికా దేశం పెరూలో ప్రయోగాత్మకంగా వినియోగదారులకు అందుబాటులోకి తీసుకొచ్చింది ఫేస్బుక్.
ఈ డిస్కవర్ యాప్ ద్వారా పలు మొబైల్ నెట్వర్కింగ్ సంస్థలు అందించే డేటాను ఉచితంగా వినియోగించుకోవచ్చు. భవిష్యత్తులో ఈ సేవలను థాయ్లాండ్, ఫిలిప్పీన్స్, ఇరాక్తో సహా ఇతర దేశాలకు విస్తరించనున్నట్లు సమాచారం.
డేటా వస్తే గుర్తు చేసేలా..
డిస్కవర్ యాప్ ప్రొవైడర్ ద్వారా ప్రతి రోజూ కొంత ఉచిత డేటా లభిస్తుంది. నోటిఫికేషన్ వచ్చిన తర్వాత నుంచి ఈ డేటాని వినియోగించుకోవచ్చు. పరిమిత డేటా మాత్రమే అందించే కారణంగా మల్టీ మీడియా కోసం ఇది పనిచేయలేదు. ఆయా వెబ్సైట్లలోని సమాచారాన్ని మాత్రమే వీక్షించేందుకు అవకాశం ఉంటుంది.
ఈ యాప్ను ఉపయోగించేందుకు ఫేస్బుక్ ఖాతా ఉండాల్సిన అవసరం లేదని పేర్కొంది సంస్థ. ఈ యాప్ ద్వారా బ్రౌజింగ్ హిస్టరీని ఫేస్బుక్ సేకరించబోదని వెల్లడించింది. యాడ్స్ కోసం దీనిని రూపొందించలేదని పేర్కొంది.
ఇదీ చూడండి: ఎయిర్లిఫ్ట్: 7 రోజులు.. 64 విమానాలు.. 14,800 మంది!
