కరోనా సంక్షోభం తర్వాత పరిస్థితులు ఇప్పుడిప్పుడే కుదుటపడుతున్న నేపథ్యంలో విద్య, రియాల్టీ, బీమా సహా పలు రంగాల్లో నియామకాలు పుంజుకుంటున్నాయి. అయినప్పటికీ గత ఏడాది డిసెంబర్తో పోలిస్తే మాత్రం జనవరిలో నియమాకాలు దాదాపు ఫ్లాట్గా ఉన్నట్లు ప్రముఖ జాబ్ సెర్చ్ పోర్టల్ నౌక్రీ నివేదిక వెల్లడించింది.
నివేదికలోని ముఖ్యాంశాలు..
- గత ఏడాదితో మొదటి నెలతో పోలిస్తే ఈ ఏడాది జనవరిలో ఉద్యోగ నియామకాలు 19 శాతం తగ్గాయి.
- విద్యా, బోధన విభాగంలో 2021 జనవరిలో నియామకాలు 2020 డిసెంబర్తో పోలిస్తే 11 శాతం పెరిగాయి. చాలా ప్రాంతాల్లో పాఠశాలలు, కళాశాలలు తెరుచుకోవడం ఇందుకు ప్రధాన కారణం.
- బీమా రంగంలో నియామకాలు 2020 డిసెంబర్తో పోలిస్తే 2021 జనవరిలో 8 శాతం పెరిగాయి. ఆరోగ్య బీమాకు డిమాండ్ పెరగటం ఇందుకు కారణం.
- రియాల్టీ (13 శాతం), రిటైల్ (7 శాతం), బ్యాంకింగ్, ఫినాన్షియల్ (5 శాతం), బీపీఓ (3 శాతం) వంటి రంగాల్లో నియమాకాలు పెరిగాయి.
- వాహన రంగం, దాని అనుంబంధ విభాగాల్లో మాత్రం నియామకాలు అత్యధికంగా 14 శాతం క్షీణించాయి. టెలికాం రంగంలోనూ నియామకాలు 8 శాతం పడిపోయాయి.
- టైర్ 2 పట్టణాల్లో గతనెల నియామకాలు సానుకూలంగా నమోదయ్యాయి. వడోదరలో అత్యధికంగా 9 శాతం పెరిగాయి. చండీగఢ్లో 8 శాతం, జైపుర్లో 6 శాతం చొప్పున వృద్ధి చెందాయి.
- 2020 జనవరితో పోలిస్తే గత నెల.. 0-3 ఏళ్ల అనుభవమున్న వారి నియామకాలు 26 శాతం, 13 ఏళ్లకుపైగా అనుభవమున్న వారి నియామకాలు 9 శాతం చొప్పున తగ్గాయి.
ఇదీ చదవండి:ఆ ఉద్యోగులకు భారీగా జీతాలు పెంపు!
