మోడెర్నా(Moderna) సింగిల్ డోస్ కొవిడ్-19 బూస్టర్ వ్యాక్సిన్ను భారత్లోకి తీసుకొచ్చేందుకు అనుమతులను వేగవంతం చేయాలని ప్రభుత్వాన్ని కోరింది ప్రముఖ ఫార్మా సంస్థ సిప్లా(Cipla). ధరల పరిమితి, ట్రయల్స్, కస్టమ్స్ డ్యూటీ, నష్టపరిహారం వంటి వాటి నుంచి మినహాయింపు కల్పించాలని విజ్ఞప్తి చేసింది. ఈ నేపథ్యంలో అమెరికా సంస్థతో 1 బిలియన్ డాలర్ల ఒప్పందానికి చేరువలో ఉన్నట్లు పేర్కొంది.
"కొవిడ్-19 నుంచి ప్రజలను రక్షించేందుకు దేశంలో వ్యాక్సిన్ల లభ్యతను పెంచేలా ప్రభుత్వం చేస్తున్న కృషి ప్రశంసనీయం. కొవిడ్ బూస్టర్ వ్యాక్సిన్పై మోడెర్నాతో చర్చలు ఖరారయ్యే దశలో ఉన్నాం. ఈ కార్యక్రమాన్ని విజయవంతం చేసేందుకు ప్రభుత్వ భాగస్వామ్యం, మద్దతు అవసరం. ధరల పరిమితి, ట్రయల్స్, కస్టమ్స్ డ్యూటీ, నష్టపరిహారం వంటి నాలుగు కీలక అంశాల్లో మినహాయింపునిచ్చేలా కేంద్రం భరోసా ఇవ్వాలి. ఆ హామీతో సుమారు రూ.7,250 కోట్ల(1బిలియన్ డాలర్లు) విలువైన ఒప్పందానికి మరింత బలం చేకూరుతుంది."
- సిప్లా ఫార్మా సంస్థ
భారత మార్కెట్లో తమ సింగిల్ డోస్ వ్యాక్సిన్ను తీసుకొచ్చేందుకు మోడెర్నా ప్రయత్నిస్తోంది. అందులో భాగంగా సిప్లాతో పాటు ఇతర భారతీయ సంస్థలతో ఇటీవల చర్చలు జరిపింది. సిప్లాతో ఒప్పందం కుదిరితే 2022లో సుమారు 50మిలియన్ మోడెర్నా టీకా డోసులు భారత్లో అందుబాటులోకి రానున్నాయి.
ఇదీ చూడండి: 'మా టీకా పిల్లలపై పనిచేస్తోంది'
