కరోనా లాక్డౌన్తో నష్టపోతున్న చిన్న సంస్థలకు అండగా నిలిచేందుకు కేంద్రం మరో నిర్ణయం తీసుకుంది. 2020 మార్చి 1 నుంచి జూన్ 30 వరకు ఎస్టీపీటీ(సాఫ్ట్వేర్ టెక్నాలజీ పార్స్క్ ఆఫ్ ఇండియా) పరిధిలో ఉన్న ఐటీ సంస్థలకు 4 నెలల పాటు అద్దె నుంచి మినహాయింపు ఇచ్చింది. ఈ విషయాన్ని ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రిత్వ శాఖ గురువారం ప్రకటించింది.
చాలా సంస్థలకు ఉపయోగం
"టెక్ పార్కుల్లో ఉన్నవాటిలో అత్యధికం చిన్న, మధ్య తరహా సంస్థలు లేదా అంకుర సంస్థలే. అద్దె మినహాయింపు నిర్ణయంతో 60 టెక్ పార్కుల్లోని 200 ఎమ్ఎస్ఎమ్ఈలకు లబ్ధి చేకూరనుంది. పరోక్షంగా ఆయా సంస్థల్లో పనిచేసే 3 వేల మందికి ప్రయోజనం కలగనుంది. ఈ అద్దె మినహాయింపు మొత్తం విలువ రూ.5కోట్లు" అని ప్రభుత్వ వర్గాలు తెలిపాయి.
ఇదీ చదవండి: కరోనా చీకట్ల నడుమ ఆర్బీఐ ఉద్దీపన దీపం
