మీరు ఆహార ప్రియులా.. విలాసవంతమైన హోటళ్లలో విశ్రాంతి కోరుకునే వారా అయితే చింతించనవసరం లేదు. మహిళా దినోత్సవం సందర్భంగా ఇవాళ మీ కోసమే ప్రత్యేక ఆఫర్లతో వస్తున్నాయి ప్రముఖ సంస్థలు. షాపింగ్ అంటే మహిళలందరికీ ఇష్టమే. అందుకే అలాంటి వారి కోసం వస్త్ర దుకాణాలు భారీ తగ్గింపు, ఆఫర్లతో సిద్ధమయ్యాయి. విలాసవంతమైన హోటళ్లు, స్పా కేంద్రాలు ఆకర్షణీయమైన ఆఫర్లతో ఊరిస్తున్నాయి. ఇది ఎక్కడో కాదు దేశ రాజధాని దిల్లీలోనే..
బీ అవర్ ఓన్ బీఏఈ
దిల్లీలోని ప్రముఖ షాపింగ్ మాల్స్లో ఒకటైన 'పసిఫిక్ మాల్' ప్రత్యేక ఆఫర్లు ప్రకటించింది. బీ అవర్ ఓన్ బీఏఈ ప్రచారంతో ముందుకు వచ్చింది. రూ.5000-15000 వరకు షాపింగ్ చేసినట్లయితే.. డైమండ్ గొలుసు గెలుచుకునే అవకాశం కల్పిస్తోంది. అంతే కాదు ఉచితంగా భోజనం చేసే అవకాశం, కాంప్లిమెంటరీ బ్యూటీ వోచర్లు గెలుచుకునే ఏర్పాట్లు చేసింది. ఈ అవకాశం శనివారం నుంచి మార్చి 15 వరకు ఉంటుందని తెలిపింది.
ఇండియా ఫ్యామిలీ మార్ట్...
దిల్లీలోని రిటైల్ వ్యాపార సంస్థ ఇండియా ఫ్యామిలీ మార్ట్.. దుస్తుల నుంచి గృహోపకరణాల వరకు అనేక రకాల ఉత్పత్తులపై రూ.999 కొనుగోలు చేస్తే రూ.500 విలువైన కూపన్లు ఇస్తోంది.
తమ ఎత్తుకు ఐదు రెట్లు డిస్కౌంట్
ప్రత్యేక వస్త్రాలతో అందరి దృష్టిని ఆకర్శించే కల్పనా వస్త్ర దుకాణం.. శని, ఆదివారాల్లో ప్రత్యేక ఆఫర్లు తీసుకొచ్చింది. వినియోగదారుల ఎత్తుకు 5 రెట్లు డిస్కౌంట్ ఇస్తోంది. అది ఎలాగంటే.. ఉదాహరణకు మీ ఎత్తు 5 అడుగుల 6 అంగుళాలు అనుకుంటే.. 27.5 శాతం డిస్కౌంట్ వస్తుంది.
ఆన్లైన్లోనూ భారీ డిస్కౌంట్లు..
మహిళా దినోత్సవం సందర్భంగా ఆన్లైన్ రిటైల్ దిగ్గజాలు ఫ్లిప్కార్ట్, అమెజాన్ భారీ ఆఫర్లు ప్రకటించాయి. పాశ్చాత్య దుస్తులు, బూట్లు, గడియారాలు, హ్యాండ్ బ్యాగులు, ఆభరణాలపై సుమారు 30-80 శాతం మేర డిస్కౌంట్లు ఇస్తున్నాయి.
అయితే.. ఇక్కడో మెలిక ఉంది. షాపింగ్ అందరూ చేయడానికి లేదు. మహిళా దినోత్సవం సందర్భంగా మహిళలకే ప్రత్యేకంగా ఈ ఆఫర్లు ఇస్తున్నారు.
యెస్ మేడమ్..
బ్యూటీ అండ్ వెల్నెస్ సర్వీసెస్ సంస్థ యెస్ మేడమ్.. ప్రత్యేక ఆఫర్లు ప్రకటించింది. దేశవ్యాప్తంగా 20 నగరాల్లో మహిళా దినోత్సవం సందర్భంగా పలు బ్యూటీ ప్యాకేజీలు అందిస్తోంది.
ఆహార ప్రియుల కోసం షీరోస్..
దిల్లీ గుర్గ్రామ్లోని షీరోస్ బ్రాంచ్.. ఆహార ప్రియులకు ప్రత్యేక ఆఫర్లు తీసుకొచ్చింది. ఆరెంజ్ బీట్రూట్ విత్ ఫెటా, టాంగీ స్ట్రీట్ ఫుడ్ అండ్ చాట్స్ వంటి రుచికరమైన సమ్మర్ సలాడ్లతో పాటు భారతీయ వంటకాల్లో అత్యంత ప్రాచుర్యం పొందిన బిర్యానీ, కబాబ్స్, చైనీస్ పెకింగ్ చికెన్, థాయ్ కర్రీస్, వంటి ఆహార పదార్థాలను సరసమైన ధరలకే అందిస్తోంది.
సోడాబాటిల్ ఓపెనర్ వాలా...
మహిళా దినోత్సవం సందర్భంగా 'ఈచ్ ఫర్ ఈక్వల్ పేరుతో ప్రత్యేక ఆఫర్లు ప్రకటించింది సోడాబాటిల్ ఓపెనర్ వాలా. సాంగ్రియా, కాక్టెయిల్ను ఒక గ్లాస్ ఉచితంగా అందిస్తోంది. మహిళలకే కాదు వారి వెంట వచ్చే అతిథికి కూడా ఇస్తోంది.
ఇదీ చూడండి: మహిళలకు అన్ని ప్రాచీన కట్టడాల్లో ఉచితంగా ప్రవేశం...!
