ఈ నెలలో ప్రముఖ బైక్ కంపెనీలన్నీ భారత మార్కెట్లోకి కొత్త మోడళ్లను విడుదల చేయనున్నాయి. వీటిలో కొన్ని ప్రీమియం బైక్లు, మరికొన్ని బడ్జెట్ ధరలో రానున్నాయి. సుజుకీ, ట్రయాంప్, డుకాటీ లాంటి కంపెనీలు ఇందులో ప్రధానంగా ఉన్నాయి. ఆయా కంపెనీలు విడుదల చేయనున్న బైక్ల విశేషాలు పరిశీలిద్ధాం.
ట్రయంఫ్ కొత్త బైక్తో గట్టి పోటీ..
బ్రిటన్కు చెందిన ప్రముఖ ద్విచక్రవాహన తయారీ సంస్థ ట్రయంఫ్.. ట్రైడెంట్ 660 పేరుతో ఏప్రిల్ 6 ఓ కొత్త బైక్ను తీసుకురానుంది. ఈ మోడల్ ధర రూ.6 లక్షల నుంచి రూ.7 లక్షల మధ్య ఉండొచ్చని అంచనాలున్నాయి.
కవాసకి జెడ్ 650, హోండా సీబీ 650ఆర్కు.. ట్రైడెంట్ 660 గట్టి పోటీనిస్తుందని ట్రయంఫ్ భావిస్తోంది. ఈ కొత్త బైక్కు సంబంధించి ఇప్పటికే ప్రీ బుకింగ్స్ ప్రారంభించింది ట్రయంఫ్.
ప్రత్యేకతలు..
- 660 సీసీ ఇంజిన్
- రైడింగ్ మోడల్ బైక్
- స్విచబుల్ ట్రాక్షన్ కంట్రోల్
- బ్లూటూత్ మాడ్యూల్‌తో పాటు టీఎఫ్టీ స్క్రీన్‌
2021 సుజుకీ హాయాబుసా..
జపాన్కు చెందిన ఆటోమొబైల్ కంపెనీ సుజుకీ 'హయాబుసా 2021'ను త్వరలో విడుదల చేయనుంది. విడుదల పై సంస్థ ఇప్పటికే అధికారిక ప్రకటన చేసినా.. తేదీని కచ్చితంగా చెప్పలేదు. భారత మార్కెట్లో దీని ప్రారంభ ధర సుమారు రూ. 15 లక్షలు ఉండొచ్చని సమాచారం.
ప్రత్యేకతలు..
- 1340 సీసీ ఇంజిన్
- ఎల్ఈడీ హెడ్ల్యాంప్
- టీఎఫ్టీ డిస్ప్లే
- త్రీ లెవల్ ఆఫ్ ఇంజన్ బ్రేక్ కంట్రోల్
ఏప్రిలియా ఎస్ఎక్స్ఆర్ 125
ప్రముఖ ఆటో మొబైల్ దిగ్గజం పియాజియో ఇండియా మరో కొత్త స్కూటర్ను భారత మార్కెట్లోకి తీసుకురానుంది. ఇటీవల తీసుకువచ్చిన 'ఏప్రిలియా ఎస్ఎక్స్ఆర్ 160'కు బడ్జెట్ వెర్షన్గా ఎస్ఎక్స్ఆర్ 125ని విడుదల చేయనుంది. ఈ స్కూటర్కు ఇప్పటికే ప్రీ బుకింగ్స్ ప్రారంభించింది.
ప్రత్యేకతలు..
- వ్రాప్ ఎల్ఈడీ హెడ్ లైట్స్
- ఎల్ఈటీ టైల్ లైట్స్
- కంఫర్టబుల్ సీటింగ్
- ఫుల్ డిజిటల్ క్లస్టర్
న్యూ టీవీఎస్ అపాచీ ఆర్ఆర్310
దేశీయ స్పోర్ట్స్ బైక్లలో మంచి ఆదరణ పొందుతున్న అపాచీ మోడల్స్లో టాప్ఎండ్ బైక్ను తీసుకురానుంది టీవీఎస్ మోటార్. న్యూ టీవీఎస్ అపాచీ ఆర్ఆర్ 310 పేరుతో ఏప్రిల్ 8న ఈ కొత్త మోడల్ మార్కెట్లోకి రానుంది. దీని ధర రూ. 2.5 లక్షలుగా ఉండొచ్చని అంచనా.
ప్రత్యేకతలు..
- లో స్పీడ్ రైడింగ్ కోసం గ్లైడ్ త్రూ టెక్నాలజీ
- డ్యూయల్ ఛానెల్ ఏబీఎస్
- 5 అంగుళాల కలర్ డిస్ప్లే
డుకాటీ డయావెల్, ఎక్స్డయావెల్
ఈ ఏడాది మొదటి త్రైమాసికం ముగిసేలోపు కొత్త మోడల్ను విడుదల చేయనున్నట్లు డుకాటీ ఇండియా ఇప్పటికే ప్రకటించింది. ఇటీవలే మొదటి త్రైమాసికం ముగిసిన నేపథ్యంలో.. త్వరలోనే కొత్త బైక్ విడుదయ్యే అవకాశం ఉంది. ఆటో మొబైల్ వర్గాల ప్రకారం.. డయావెల్, ఎక్స్డయావెల్ ఈ నెలలో రావచ్చు. వీటి ధర సుమారు రూ. 16 లక్షల వరకు ఉండొచ్చు.
ప్రత్యేకతలు..
- లిక్విడ్ కూలింగ్ సిస్టమ్
- ఎలక్ట్రానికి ఫూయల్ ఇంజెక్షన్
- కీ లెస్ ఇగ్నీషన్
ఇదీ చూడండి: పియాజియో నుంచి బడ్జెట్ స్కూటీ
