మీరు మూవీ లవరా? ఆన్లైన్ టీవీ షోలు అంటే ఇష్టమా? నెట్ఫ్లిక్స్, అమెజాన్ ప్రైమ్, హాట్స్టార్, జీ-5లో నచ్చిన కార్యక్రమాలను వీక్షిస్తుంటారా? అయితే తప్పకుండా మీకో మంచి ప్రిపెయిడ్ ప్లాన్ కావాల్సిందే. మరి మీకు అందుబాటులో ఉండేలా... వివిధ నెట్వర్క్ సంస్థలు అందిస్తున్న ప్రీపెయిడ్ ప్లాన్స్ గురించి చూద్దామా?
రిలయన్స్ జియో డేటా ప్యాక్లు
వినియోగదారుల సౌలభ్యం కోసం రిలయన్స్ జియో ఒక రోజుకు 2 జీబీ చొప్పున డేటా ప్యాక్ అందిస్తోంది. ఈ డేటా ఒక రోజుకు సరిగ్గా సరిపోతుందని జియో భావిస్తోంది. ఈ సౌలభ్యం వల్ల వినియోగదారులు రోజుకు 3 నుంచి 4 గంటలపాటు తమకు ఇష్టమైన వీడియోలు చూసుకోవచ్చు. అదే సమయంలో తమ దైనందిన కార్యక్రమాలైన మెసేజింగ్, వాట్సాప్, ఇతర సామాజిక మాధ్యమాలను బ్రౌజ్ చేసుకోవచ్చు.
నాలుగు ప్లాన్లు..
రోజుకు 2 జీబీ కేటగిరీలో రిలయన్స్ జియో నాలుగు ప్లాన్లు అందిస్తోంది.
రూ.198 ప్లాన్- 28 రోజులు వ్యాలిడిటీ
, రూ.398 ప్లాన్-70 రోజుల వ్యాలిడిటీ,
రూ.448 ప్లాన్- 84 రోజుల వ్యాలిడిటీ,
రూ.498 ప్లాన్- 91 రోజుల వ్యాలిడిటీ
వీటిలో రూ.498 ప్రీపెయిడ్ ప్లాన్ చాలా ఆకర్షణీయంగా ఉంది. ఇది అతి తక్కువ ధరకే డేటాను అందిస్తోంది. ఒక వేళ చందాదారులు తమ రోజువారీ డేటా ప్యాక్లో 2 జీబీ సరిపోదని భావిస్తే, వారు రోజుకు 3 జీబీ డేటా అందించే 28 రోజుల వ్యాలిడిటీతో రూ.299 ప్రీపెయిడ్ ప్లాన్ను ఎంచుకోవచ్చు. పై అన్ని ప్లాన్లతో అపరిమిత ఉచిత కాలింగ్తో పాటు 100 ఎస్ఎంఎస్లు, రిలయన్స్ జియో యాప్లను ఫ్రీగా పొందవచ్చు.
వొడాఫోన్-ఐడియా ఆకర్షణీయ డేటా పాక్లు
వొడాఫోన్ కస్టమర్లకు:
రూ.229 ప్రీపెయిడ్ ప్లాన్- 2 జీబీ డేటా- 28 రోజుల వ్యాలిడిటీ
రూ.349 ప్లాన్- రోజుకు 3 జీబీ డేటా - 28 రోజుల వ్యాలిడిటీ
రూ.255 ప్లాన్- రోజుకు 2.5 జీబీ డేటా- 28 రోజుల వ్యాలిడిటీ
రూ.511 ప్లాన్- రోజుకు 2 జీబీ డేటా -84 రోజుల వ్యాలిడిటీ
ఈ ప్రీపెయిడ్ ప్లాన్స్ అన్నింటిలోనూ అపరిమిత ఉచిత కాలింగ్, ఎస్ఎంఎస్ సౌకర్యం ఉంది.
ఐడియా కస్టమర్లకు:
రూ.229 ప్రీపెయిడ్ ప్లాన్- రోజుకు 2జీబీ డేటా- 28 రోజుల వ్యాలిడిటీ
రూ.255 ప్లాన్- రోజుకు 2.5 జీబీ డేటా- 28 రోజుల వ్యాలిడిటీ
రూ.499 ప్లాన్- రోజుకు 2 జీబీ డేటా- 82 రోజుల వ్యాలిడిటీ
ఈ ప్రీపెయిడ్ ప్లాన్స్ అన్నింటిలోనూ అపరిమిత ఉచిత కాలింగ్, ఎస్ఎంఎస్ సౌకర్యం ఉంది. ఐడియా సినిమాలు, టీవీ యాప్స్ ఉచితంగా చూడొచ్చు.
భారతీ ఎయిర్టెల్ డేటా ప్లాన్లు
ఎయిర్టెల్ అందిస్తున్న రూ.499 డేటా ప్యాక్ చాలా ఆకర్షణీయమైంది. రోజుకు 2జీబీ డేటా- 82 రోజుల వ్యాలిడిటీతో ఉన్న ఈ ప్లాన్లో చందాదారులు ఉచితంగా ఎయిర్టెల్ ప్రీమియం సబ్క్రిప్షన్ పొందుతారు. నాలుగు వారాల ఉచిత షా అకాడమీ కోర్సు పూర్తి చేయవచ్చు. వింక్ మ్యూజిక్, నార్టన్ మొబైల్ సెక్యూరిటీ, మరిన్ని అదనపు ప్రయోజనాలు పొందవచ్చు.
రూ.349 ప్లాన్- రోజుకు 3 జీబీ డేటా- 28 రోజుల వ్యాలిడిటీ
రూ.299 ప్లాన్- రోజుకు 2.5 జీబీ డేటా - 28 రోజుల వ్యాలిడిటీ. ఈ ప్లాన్లో అమెజాన్ ప్రైమ్, వింక్ మ్యూజిక్ను ఉచితంగా పొందవచ్చు.
ఇదీ చూడండి: సిద్ధార్థ ఆకస్మిక మృతితో కేఫ్ కాఫీ డే షేర్లు కుదేలు
