Bank Strike News: బ్యాంకుల ప్రైవేటీకరణను నిరసిస్తూ యునైటెడ్ ఫోరమ్ ఆఫ్ బ్యాంక్ యూనియన్స్ (యూఎఫ్బీయూ) గురువారం సమ్మె చేపట్టింది. తొమ్మిది యూనియన్లతో కూడిన ఈ ఫోరం ఈనెల 16, 17 తేదీల్లో రెండు రోజుల పాటు స్ట్రైక్ చేయనున్నట్లు ఇదివరకే ప్రకటించింది. ఈ సమ్మెలో దేశవ్యాప్తంగా 9 లక్షల మంది ఉద్యోగులు పాల్గొంటున్నారని యూనియన్లు వెల్లడించాయి.
ఈ సమ్మె దేశవ్యాప్తంగా లక్ష బ్రాంచ్లపైన ప్రభావం చూపిస్తుందన్నారు ఆల్ఇండియా బ్యాంక్ ఆఫీసర్స్ కన్ఫెడరేషన్ ప్రధాన కార్యదర్శి సౌమ్యా దత్తా. క్యాష్ విత్డ్రా, డిపాజిట్లు, బిజినెస్ ట్రాన్సాక్షన్స్, లోన్ ప్రాసెస్, చెక్ క్లియరింగ్, అకౌంట్ ఓపెనింగ్ వంటి కార్యకలాపాలకు అంతరాయం ఏర్పడుతుందని చెప్పారు.
- మహారాష్ట్రాలో 60వేల మంది బ్యాంకు ఉద్యోగులు సమ్మెలో పాల్గొన్నారు. ముంబయిలోని ఆజాద్ మైదాన్ వద్ద 5000వేల మందితో నిరసన నిర్వహిస్తామన్నాయి యూనియన్లు.
- రాజస్థాన్లో 4వేలకుపైగా బ్రాంచీలకు చెందిన 25వేల మంది ఉద్యోగులు నిరసనలో పాల్గొంటున్నారని యునైటెడ్ ఫారమ్ ఆఫ్ బ్యాంక్ యూనియన్స్ ప్రతినిధి మహేశ్ మిశ్ర వెల్లడించారు. 6,650 ఏటీఎంలలో డబ్బులు అందుబాటులో ఉండకపోవడం సహా ఈ స్ట్రైక్ రూ.10వేల కోట్ల లావాదేవీలపై ప్రభావం చూపిస్తుందన్నారు.
- కర్ణాటక రాజధాని బెంగళూరులోని మైసూర్ బ్యాంక్ సర్కిల్ వద్ద నిరసనకు దిగారు బ్యాంకు ఉద్యోగులు. ప్రైవేటీకరణపై ప్రభుత్వం తన వైఖరిని మార్చుకోవాలని డిమాండ్ చేశారు.హైదరాబాద్లో బ్యాంక్ ఉద్యోగుల నిరసనలు
అయితే హెచ్డీఎఫ్సీ, ఐసీఐసీఐ, కొటక్ మహీంద్ర వంటి ప్రైవేటు బ్యాంకుల్లో కార్యకలాపాలు యథావిధిగా కొనసాగుతున్నాయి.
ఇదీ చూడండి : ఆ బ్యాంకులకు ఆర్బీఐ షాక్- రూ.కోటికి పైగా జరిమానా!
