కరోనా టీకా డోసుల సరఫరాలో జాప్యంపై సీరం ఇన్స్టిట్యూట్ ఆఫ్ ఇండియాకు ఆస్ట్రాజెనెకా.. లీగల్ నోటీసులు పంపించింది. ఈ విషయాన్ని సీరం సంస్థ సీఈఓ అదర్ పూనావాలా వెల్లడించారు. కాంట్రాక్టు వివాదంపై న్యాయపరమైన పరిష్కారం కోసం ప్రయత్నిస్తున్నట్లు చెప్పారు.
భారత్లో టీకా డోసులకు డిమాండ్ అత్యంత తీవ్రంగా ఉన్న నేపథ్యంలో తమ ఉత్పత్తి సామర్థ్యాలపై ఒత్తిడి నెలకొందని పూనావాలా పేర్కొన్నారు. 'భారత్లో సరఫరాకు ప్రాధాన్యం ఇవ్వడం వల్ల మా ఒప్పంద బాధ్యతలను నిర్వర్తించలేకపోతున్నాం. డోసుల సరఫరాలో భారత్కే ప్రాధాన్యం ఇవ్వాలన్న ప్రభుత్వ ఆదేశాలపై విదేశాలకు వివరణ ఇవ్వలేకపోతున్నాం' అని చెప్పారు. నోటీసులు వచ్చిన విషయం భారత ప్రభుత్వానికి తెలుసని అన్నారు.
142 దేశాలకు టీకా డోసులను పంపిణీ చేస్తున్నామని మార్చిలో ఆస్ట్రాజెనెకా వెల్లడించింది. వీటి ఉత్పత్తి కోసం భారత్లోని సీరం సంస్థతో ఇదివరకే ఒప్పందం కుదుర్చుకుంది.
ఇదీ చదవండి: బడ్జెట్ ధరలో హెచ్పీ 'క్రోమ్‌బుక్‌ 11ఏ'
