Richest persons in the world: ప్రపంచ కుబేరుల జాబితాలో నిన్నటి వరకు టాప్-10లో ఉన్న మార్క్జుకర్బర్గ్ పరిస్థితి ఇప్పుడు పూర్తిగా మారిపోయింది. ఆయనకు చెందిన మెటా సంస్థ షేర్లు గురువారం రికార్డు స్థాయిలో 26శాతం పతనమయ్యాయి. దీంతో 24 గంటల్లోనే 29 బిలియన్ డాలర్ల జుకర్బర్గ్ సంపద ఆవిరైంది. చరిత్రలో నమోదైన అత్యంత భారీ నష్టాల్లో ఇది రెండోది కావడం గమనార్హం.
జుకర్బర్గ్కు సంపద భారీగా తగ్గడం వల్ల ఆయన ప్రపంచ కుబేరుల జాబితాలో 12వ స్థానానికి పడిపోయారు. ఫలితంగా ఆయన అస్తుల విలువ భారత కుబేరులు అనిల్ అంబానీ, గౌతమ్ అదానీ కంటే తక్కువగా నమోదైంది. అంతర్జాతీయ కుబేరుల జాబితాలో 10వ స్థానంలో ఉన్న అదానీ ఆస్తులు విలువ 90.1 బిలియన్ డాలర్లు కాగా.. 11వ స్థానంలో ఉన్న అంబానీ ఆస్తుల విలువ 90 బిలియన్ డాలర్లుగా ఉంది. జుకర్బర్గ్ ఆస్తుల విలువ 89 బిలియన్ డాలర్లకే పరిమితమైంది.
Top 10 rich persons
మరోవైపు అమెజాన్ అధినేత జెఫ్ బెజోస్ సంపద మాత్రం మరో 20 బిలియన్ డాలర్లు పెరిగింది. అమెజాన్ భారీ లాభాలు ఆర్జించడం వల్ల ఇది సాధ్యమైంది.
మెటా షేర్లు గురువారం 26 శాతం పతనమవ్వడం వల్ల 200 బిలియన్ డాలర్ల నష్టం మూటగట్టుకుంది. ఇందులో 12.8శాతం వాటా కలిగిన జుకర్బర్గ్కు 29 బిలియన్ డాలర్ల నష్టం వచ్చింది.
గతేడాది నవంబర్లో టెస్లా అధినేత ఎలాన్ మస్క్ ఒక్కరోజులనే 35 బిలియన్ డాలర్లు పోగోట్టుకున్నారు. ఆ తర్వాత అత్యధిక నష్టం చవిచూసింది జుకర్బర్గే కావడం గమనార్హం.
ప్రస్తుతం ప్రపంచ కుబేరుల జాబితాలో 232 బిలియన్ డాలర్లతో ఎలాన్ మస్క్ మొదటి స్థానంలో ఉన్నారు. ఆ తర్వాత బెర్నార్డ్ అర్నాల్ట్ 193.6 బిలియన్ డాలర్లతో రెండో స్థానంలో, జెఫ్ బెజోస్ 164.8 బిలియన్ డాలర్లతో మూడో స్థానంలో ఉన్నారు. బిల్గేట్స్ 131.9 బిలియన్ డాలర్ల సంపదతో ఐదో స్థానంలో కొనసాగుతున్నారు.
ఇదీ చదవండి: తగ్గిన ఫేస్బుక్ యూజర్ల సంఖ్య.. 18 ఏళ్లలో ఇదే తొలిసారి..
