'షాపింగ్​ యాప్​లో వీడియో స్ట్రీమింగ్'

షాపింగ్ యాప్​లో వీడియో స్ట్రీమింగ్ చేసేలా సరికొత్త సర్వీస్​తో ముందుకొచ్చింది అమెజాన్ సంస్థ. మినీ టీవీని శనివారం అందుబాటులోకి తీసుకొచ్చినట్లు పేర్కొంది.

వినియోగదారులకు ఉచితంగా వీడియో స్ట్రీమింగ్ సదుపాయం కల్పిస్తూ ఓ కొత్త సర్వీస్​తో ముందుకొస్తున్నట్లు అమెజాన్ సంస్థ తెలిపింది. వెబ్ సిరీస్, టెక్నాలజీ వార్తలు, ఫుడ్, ఫ్యాషన్ మొదలైన వాటికి సంబంధించిన వీడియోలు ఉచితంగా చూసేందుకు 'మినీ టీవీ'ని అందుబాటులోకి తీసుకొచ్చినట్లు శనివారం ప్రకటించింది. ఈ సేవలు అమెజాన్ షాపింగ్​ యాప్​లో ఉంటాయని స్పష్టం చేసింది.

షాపింగ్​ చేస్తూ నగదు చెల్లించిన కొద్దీ.. కొత్త వీడియోలు ఉచితంగా చూసే అవకాశం 'మినీటీవీ'లో కల్పించనుంది అమెజాన్. అయితే.. ప్రైమ్​ మాదిరిగా సబ్​స్క్రిప్ఫన్ పద్ధతి దీనికి లేదు. వీడియో స్ట్రీమింగ్​ కోసం ఇప్పటికే అమెజాన్​ ప్రైమ్​ యాప్​ను ప్రత్యేకంగా రూపొందించింది ఈ సంస్థ.

టీవీఎఫ్​, పాకెట్ ఏసెన్​ స్టూడియోస్​కు సంబంధించిన వీడియోలు మినిటీవీలో స్ట్రీమ్ కానున్నాయి.

ఇదీ చదవండి:భారత్​కు 5కోట్ల వ్యాక్సిన్ డోసులు?