యాపిల్ ఐఫోన్ కొనాలుకునే వారికి ఈ-కామర్స్ దిగ్గజం అమెజాన్ గుడ్ న్యూస్ చెప్పింది. యాపిల్ లేటెస్ట్ మోడల్ అయిన ఐఫోన్ 12 సహా ఐఫోన్ 11, ఇతర మోడళ్లను భారీ డిస్కౌంట్తో విక్రయిస్తున్నట్లు తెలిపింది. యాపిల్ డేస్ పేరుతో సోమవారం ప్రారంభమైన ఈ సేల్ జులై 17 వరకు కొనసాగనుంది.
- ఈ సేల్లో ఐఫోన్ 12 (64జీబీ) మోడల్ను రూ.9 వేల డిస్కౌంట్తో రూ.70,900కే పొందే వీలుంది. దీనితో పాటు హెచ్డీఎఫ్సీ క్రెడిట్ కార్డ్ ద్వారా చెల్లింపులు జరిపే వారికి అదనంగా రూ.6,000 డిస్కౌంట్ లభించనుంది.
- యాపిల్ ఐఫోన్ 11 ప్రో మ్యాక్స్ (256 జీబీ) మోడల్ను రూ.96,900లకు పొందొచ్చని అమెజాన్ తెలిపింది. ఈ మోడల్ అసలు ధర రూ.1,23,900గా ఉంది.
- వీటితో పాటు.. ఐఫోన్ 6ఎస్, ఐఫోన్ 8 ప్లస్, ఐఫోన్ 8, ఐఫోన్ 7, ఐఫోన్ ఎక్స్ఆర్ వంటి మోడళ్లపైనా భారీ డిస్కౌంట్లు ఇస్తోంది అమెజాన్.
- ఐఫోన్తో పాటు.. యాపిల్ మ్యాక్బుక్ ప్రోపై కూడా భారీ డిస్కౌంట్ ప్రకటించింది అమెజాన్. 13.3 అంగుళాల డిస్ప్లే ఉన్న యాపిల్ మ్యాక్ బుక్ ప్రో డిస్కౌంట్ ధర ను రూ.99,990గా ఉంచింది. దీని అసలు ధర రూ.1,17,900గా ఉంది.
- మ్యాక్ బుక్, మ్యాక్ బుక్ ఎయిర్ వంటి ఇతర యాపిల్ ఉత్పత్తులను డిస్కౌంట్లో విక్రయిస్తున్నట్లు తెలిపింది అమెజాన్. యాపిల్ ఉత్పత్తులన్నింటిపై ఎక్స్చేంజ్ బోనస్ పొందొచ్చని.. నో కాస్ట్ ఈఎంఐ వంటి సదుపాయాలు ఉన్నట్లు వివరించింది.
ఈ నెలలోనే ప్రైమ్ డే సేల్..
ఈ నెలలోనే 'అమెజాన్ ప్రైమ్ డే సేల్' ఉండనుంది. ఈ సేల్లో అన్ని ఉత్పత్తులపై భారీ డిస్కౌంట్ ఇవ్వనుంది. కొవిడ్‌ కారణంగా ఘోరంగా దెబ్బతిన్న చిరు వ్యాపారులు, చేనేత కార్మికులు, తయారీదారులకు చేయూతనిచ్చేందుకు గాను.. ఈ నెల 26, 27 తేదీల్లో ప్రైమ్ డేస్ సేల్ నిర్వహిస్తున్నట్లు అమెజాన్ పేర్కొంది.
ఇదీ చదవండి:వారి ఆస్తులు పంచేస్తే పేదరికం పోతుందా?
