పండుగల సందర్భంగా రాయితీ విక్రయాలకు ఉద్దేశించిన గ్రేట్‌ ఇండియన్‌ ఫెస్టివల్‌(జీఐఎఫ్‌)ను(Amazon Great Indian Festival 2021) అక్టోబరు 3 నుంచే ప్రారంభించబోతున్నట్లు అమెజాన్ ఇండియా ప్రకటించింది. ఇంతకుముందు ప్రకటించిన ప్రకారం అక్టోబరు 4 నుంచి జీఐఎఫ్‌(Amazon Great Indian Festival 2021) ప్రారంభించాల్సి ఉంది.
ఇదేవిధంగా ఫ్లిప్కార్ట్ బిగ్ బిలియన్ డేస్(Flipkart Big Billion Days 2021) కూడా అక్టోబరు 7-12 తేదీలకు బదులు 3-10 తేదీల్లో జరగనుంది. గతేడాది పండుగ సీజన్‌లో ఇ-కామర్స్‌ దిగ్గజాల అమ్మకాలు 740 కోట్లుగా నమోదు కాగా, ఈ ఏడాది 900 కోట్ల డాలర్ల మేర జరగొచ్చని కన్సల్టింగ్‌ సంస్థ రెడ్‌సీర్‌ అంచనా వేసింది.
ఫ్లిప్కార్ట్లో రాయితీలు..
యాక్సిస్‌ బ్యాంక్ క్రెడిట్ కార్డు, ఐసీఐసీఐ బ్యాంక్ డెబిట్ కార్డులతో కొనుగోళ్లపై 10శాతం వరకు 'బిగ్ బిలియన్ డేస్'లో(Flipkart Big Billion Days 2021) విక్రయాల్లో రాయితీ లభిస్తుందని ఫ్లిప్కార్ట్ ఇదివరకు తెలిపింది. అవసరమైన వస్తువులను ముందస్తుగా బుక్ చేసుకునే వీలు కల్పిస్తున్నట్లు వెల్లడించింది. కిరాణా దుకాణాలకు రూ.8లక్షల వరకు వడ్డీ లేని రుణం ఇస్తున్నట్లు సీఈఓ కల్యాణ్‌ కృష్ణమూర్తి తెలిపారు.
బిగ్ బిలియన్ డేస్లో భాగంగా ఈ సారి ఎన్నో కొత్త ఉత్పత్తులు, గేమ్స్, లైవ్ స్ట్రీమ్స్ అందుబాటులో ఉంటాయని ఫ్లిప్కార్ట్ పేర్కొంది. డిసెంబరు నాటికి 4.2 లక్షల మంది విక్రయదారులే లక్ష్యంగా కృషి చేస్తున్నామని చెప్పుకొచ్చింది.
అమెజాన్లో డిస్కౌంట్లు..
జీఐఎఫ్‌ విక్రయాల కోసం హెచ్డీఎఫ్సీ బ్యాంక్తో ఒప్పందం చేసుకున్నట్లు అమెజాన్ ఇటీవల వెల్లడించింది. హెచ్డీఎఫ్సీ క్రెడిట్, డెబిట్ కార్డ్ ద్వారా జరిపే లావాదేవీలకు ఆఫర్ డిస్కౌంట్తో పాటు.. అదనంగా 10 శాతం క్యాష్ బ్యాక్ (Amazon cash back offers) లభించనున్నట్లు తెలిపింది. అమెజాన్ పే ద్వారా చెల్లింపులు జరిపితే 5 శాతం క్యాష్ బ్యాక్ లభించనున్నట్లు పేర్కొంది. ఈ సేల్ (Amazon Great Indian Festival)లో ఎలక్ట్రానిక్స్పై 40 శాతం వరకు డిస్కౌంట్ లభించే ఉంది.
ఇదీ చూడండి: ఎలక్ట్రిక్ వాహనం కొనాలా? అయితే మీకో గుడ్ న్యూస్!
