లాక్డౌన్ సడలింపులతో విమాన ప్రయాణాలు త్వరలో పునః ప్రారంభం కానున్నాయి. ఈ నేపథ్యంలో ప్రయాణికులు తమతో పాటు హ్యాండ్ శానిటైజర్లు తీసుకెళ్లేందుకు అధికారులు అనుమతించనున్నారు. ఈ మేరకు ఆదేశాలు జారీ చేసింది బ్యూరో ఆఫ్ సివిల్ ఏవియేషన్ సెక్యూరిటీ(బీసీఏఎస్). ఈ ఉత్తర్వులు 2020 మే 13 నుంచి మూడు నెలలు వరకు అమల్లో ఉంటాయని స్పష్టం చేసింది.
"తరచూ శానిటైజర్లలతో చేతులు శుభ్రం చేసుకోవడం వైరస్ను ఎదుర్కొనే చర్యల్లో ఒకటి. విమానాల్లో ప్రయాణించేవారు తమతో పాటు 350 మిల్లీలీటర్లు హ్యాండ్ శానిటైజర్లు తీసుకెళ్లేందుకు బీసీఏఎస్ అనుమతిస్తుంది. ఇది తక్షణమే అమల్లోకి వస్తుంది. అయితే ఇతర లిక్విడ్లు, పేస్ట్లు 100 మీల్లీలీటర్లుకు మంచి నిషేధం."
-ఎయిర్ పోర్టు అథారిటీ ఆఫ్ ఇండియా
ముందే చెప్పండి
భద్రతా తనిఖీ సమయాల్లో వారికి సహకరించి శానిటైజర్లు ఉన్నట్లు తెలపాలని ప్రయాణికులకు అధికారులు సూచించారు. విమానాశ్రయాల్లో విమానం ఎక్కే ముందు చేసిన తనిఖీల్లో ప్రయాణికుల పాస్లపై సీఐఎస్ఎఫ్ సిబ్బంది ఎటువంటి స్టాంప్ వేయరని వెల్లడించారు.
ఇదీ చూడండి: కరోనా ప్యాకేజీలో కౌలు రైతుల ఊసేది?
