ఐపీఎల్​ కోసం ఆర్సీబీ ఆటగాళ్లకు ప్రత్యేక శిక్షణ!

వచ్చే వారం నుంచి ప్రారంభంకానున్న ఐపీఎల్‌ 13వ సీజన్‌ కోసం ఆర్సీబీ గట్టిగానే కష్టపడుతోందని ఆ జట్టు కెప్టెన్​ విరాట్​ కోహ్లీ అన్నాడు. రెండు వారాల నుంచి ప్రాక్టీస్‌ చేస్తున్న తమ జట్టు ఇప్పుడిప్పుడే గాడిలో పడుతోందని.. అందుకు సంతోషంగా ఉందని పేర్కొన్నాడు.

ఈ ఏడాది ఐపీఎల్​ కోసం అటు ఫ్రాంచైజీలతో పాటు, అభిమానులు ఎంతో ఆసక్తిగా ఎదురుచూస్తున్నారు. కరోనా కారణంగా దాదాపు ఐదు నెలల పాటు ఇళ్లకే పరిమితమైన క్రికెటర్లు.. లీగ్​ నిర్వహణతో మైదానంలో తిరిగి అడుగుపెట్టేందుకు సిద్ధమయ్యారు. అయితే, ఈ సుదీర్ఘ విరామం తర్వాత.. ఆటగాళ్లు​ ఊపందుకునేలా రాయల్​ ఛాలెంజర్స్​ బెంగళూరు జట్టు క్రమ పద్దతిలో శిక్షణ పొందుతున్నట్లు కెప్టెన్​ విరాట్​ కోహ్లీ తెలిపాడు. శనివారం ఫ్రాంచైజీ విడుదల చేసిన ఓ వీడియోలో అతడు మాట్లాడాడు.

• More intense, more hungry than ever before, and more balanced, Virat Kohli speaks about his progress after two weeks of practice in the UAE ahead of Dream 11 IPL 2020. pic.twitter.com/l2ovA1IgGf

  — Royal Challengers Bangalore (@RCBTweets) September 12, 2020 " class="align-text-top noRightClick twitterSection" data="

  More intense, more hungry than ever before, and more balanced, Virat Kohli speaks about his progress after two weeks of practice in the UAE ahead of Dream 11 IPL 2020. pic.twitter.com/l2ovA1IgGf

  — Royal Challengers Bangalore (@RCBTweets) September 12, 2020

  ">

  More intense, more hungry than ever before, and more balanced, Virat Kohli speaks about his progress after two weeks of practice in the UAE ahead of Dream 11 IPL 2020. pic.twitter.com/l2ovA1IgGf

  — Royal Challengers Bangalore (@RCBTweets) September 12, 2020

"నెలల పాటు విశ్రాంతి తీసుకుని నేరుగా ప్రాక్టీస్‌ చేయడం మొదలుపెడితే పలువురు ఇబ్బంది పడ్డారు. ఆటగాళ్ల దేహాలు అలవాటు తప్పాయి. ప్రస్తుతం నిరంతరాయంగా సాధన చేస్తుండడం వల్ల తీవ్రత పెరిగి మునుపటి స్థితిలోకి వస్తున్నారు. మేమైతే ఎవరినీ బలవంతం చేయడం లేదు. సరైన ప్రణాళికతో ముందుకు వెళ్తున్నాం. దాంతో ఆటగాళ్లలో సమన్వయం ఏర్పడింది. తొందర పడి ఒకేసారి భారీ కసరత్తులు చేయాలని అనుకోవట్లేదు. ప్రతి ఒక్కరికీ తగిన సమయం కేటాయించాం. రాబోయే శిక్షణ సమయంలోనూ అదే చేస్తాం."

-విరాట్​ కోహ్లీ, ఆర్సీబీ కెప్టెన్​

సుదీర్ఘ విరామం తర్వాత పరిస్థితులు భిన్నంగా మారిపోయాయని కోహ్లీ అభిప్రాయపడ్డాడు. ఏదేమైనప్పటికీ లీగ్​ కోసం తమ జట్టు సభ్యులు బాగా కష్టపడుతున్నారని తెలుపుతూ సంతోషం వ్యక్తం చేశాడు.

కోహ్లీ ఇప్పటివరకు ఆర్సీబీ తరఫున 177 మ్యాచ్​లు ఆడి 5,412 పరుగులు చేశాడు. కాగా, యూఏఈ వేదికగా సెప్టెంబరు 19న ఐపీఎల్​ ప్రారంభం కానుంది. 53 రోజుల పాటు సాగే ఈ టోర్నీ నవంబరు 10తో ముగియనుంది. సెప్టెంబరు 21న ఆర్సీబీ జట్టు.. సన్​రైజర్స్​తో తొలి మ్యాచ్​ ఆడనుంది.