సంచలన దర్శకుడు రాంగోపాల్ వర్మ మరో జీవితకథను తెరకెక్కించే పనిలో ఉన్నాడు. తమిళనాడు మాజీ ముఖ్యమంత్రి.. దివంగత నేత జయలలితకు, ఆమె స్నేహితురాలు శశికళకు మధ్య ఉన్న బంధాన్ని సినిమాగా చూపించనున్నట్లు ట్విట్టర్లో ప్రకటించాడు.
ఇప్పటికే జయలలిత మరణంపై ఎన్నో వివాదాలు, అనుమానాలు ఉన్న నేపథ్యంలో ఈ సినిమా చర్చనీయాంశం కానుంది. 'అమ్మ' అభిమానులతో పాటు సినీ పరిశ్రమలోనూ దీనిపై ఆసక్తి నెలకొంది.
ఇప్పటికే జయలలిత జీవితంపై.. మహిళా దర్శకురాలు ప్రియదర్శిని ‘'ది ఐరన్ లేడీ'’, కంగనా హీరోయిన్గా దర్శకుడు ఏ ఎల్ విజయ్ ‘'తలైవి'’ బయోపిక్స్ తీస్తున్నారు.
