నెదర్లాండ్స్లో దుండగుడు కలకలం సృష్టించాడు. నిత్యం రద్దీగా ఉండే హేగ్ నగర వీధుల్లో కత్తితో దాడికి తెగబడ్డారు. బ్లాక్ ఫ్రైడే నాడు జనాలతో కిటకిటలాడుతున్న గోటే మార్కెట్స్ర్టాట్లోని షాపింగ్ మాల్ ప్రాంగణంలో జరిగిన ఈ ఘటనలో ముగ్గురు తీవ్రంగా గాయపడ్డారు. వీరందరు మైనర్లని పోలీసులు తెలిపారు.
ఈ ఆకస్మిక దాడికి ఒక్కసారిగా ఉలిక్కి పడ్డారు ఆ ప్రాంతంలోని ప్రజలు. ప్రాణ భయంతో పరుగులు పెడుతున్న దృశ్యాలు సామాజిక మాధ్యమాల్లో వైరల్గా మారాయి.
లండన్లో ఇద్దరిని బలిగొన్న ఉగ్ర సంబంధిత దాడి జరిగిన కొద్ది గంటలకే నెదర్లాండ్స్లో ఇలాంటి దారుణం జరిగింది. దాడికి పాల్పడ్డ ఆగంతుకుడిని పట్టుకునే ప్రయత్నంలో ఉన్నారు పోలీసులు.
నవంబర్ నెలలో వచ్చే నాలుగో గురువారాన్ని బ్లాక్డేగా అనేక దేశాల్లో జరుపుకుంటారు. ఈ రోజున వ్యాపారులు అర్ధరాత్రి నుంచే దుకాణాలు తెరిచి కస్టమర్ల కోసం ఆఫర్లు పెడతారు. ఆఫర్ ఒక్కరోజే ఉండటం వల్ల వాటిని అందిపుచ్చుకునేందుకు కొనుగోలుదారులు మార్కెట్లో బారులు తీరడం సాధారణం.
ఇలాంటి సమయంలో.. రద్దీ ప్రాంతాన్ని ఎంచుకుని ఉగ్రవాదులే ఈ ఘటనకు పాల్పడి ఉంటారని పోలీసులు అనుమానిస్తున్నారు.
ఇదీ చదవండి:యువ వైద్యురాలి హత్యకేసులో నలుగురు అరెస్ట్
