తెలంగాణలో రేపే రెండో విడత స్థానిక సమరం

స్థానిక సంస్థల రెండో విడత ఎన్నికల పోలింగ్​ రేపు జరగనుంది. హైదారాబాద్​, మేడ్చల్​ జిల్లాలు మినహా రాష్ట్రవ్యాప్తంగా పరిషత్​ ఎన్నికలు జరగనున్నాయి. మెుదటి విడత అనుభవాల నేపథ్యంలో అధికారులు అంతటా అప్రమత్తంగా ఉండాలని రాష్ట్ర ఎన్నికల సంఘం హెచ్చరించింది.

స్థానిక సంస్థల రెండో విడత పోలింగ్​ రేపు జరగనుంది. 180 జడ్పీటీసీ, 1913 ఎంపీటీసీ స్థానాలకు నోటీస్ ఇవ్వగా.. ఒక జడ్పీటీసీ, 63 ఎంపీటీసీ స్థానాలు ఏకగ్రీవం అయ్యాయి. మిగతా 179 జడ్పీటీసీ, 1850 ఎంపీటీసీ స్థానాలకు రేపు ఉదయం 7 గంటల నుంచి సాయంత్రం 5 గంటల వరకు పోలింగ్ జరగనుంది. మావోయిస్టు ప్రభావిత ప్రాంతాల్లో సాయంత్రం 4 గంటల వరకే పోలింగ్ ఉండనుంది. హైదరాబాద్, మేడ్చల్ - మల్కాజి​గిరి మినహా మిగతా జిల్లాల్లో రెండోదశ ఎన్నికలు జరగనున్నాయి. ఇప్పటికే రాష్ట్ర ఎన్నికల సంఘం ఏర్పాట్లు పూర్తి చేసింది. మొదటి విడత అనుభవాల నేపథ్యంలో బ్యాలెట్ పత్రాల విషయంలో అప్రమత్తంగా ఉండాలని అధికారులను ఆదేశించించింది రాష్ట్ర ఎన్నికల సంఘం.

ఇవీ చూడండి:అర్ధరాత్రి కారు బీభత్సం.. తప్పిన ప్రమాదం