'సింబా'తో ఆకట్టుకున్న సారా అలీఖాన్, 'లుకా చుప్పీ'తో అలరించిన కార్తిక్ ఆర్యన్‌లు.. ఇంతియాజ్ అలీ దర్శకత్వంలో నటిస్తున్నారు. ఇంకా ఈ చిత్రానికి పేరు ఖరారు కాలేదు. గతంలో వచ్చిన ‘లవ్ ఆజ్ కల్’కు సీక్వెల్‌గా తెరకెక్కనున్న ఈ సినిమాకు ‘లవ్ ఆజ్ కల్-2’ పేరు పెట్టనున్నారని సమాచారం. మాతృకలో నటించిన సైఫ్ అలీ ఖాన్.. సీక్వెల్లో నటిస్తున్న సారా అలీ ఖాన్ తండ్రి కూతుళ్లు కావడం విశేషం.
రొమాంటిక్ డ్రామాగా తెరకెక్కే ఈ చిత్రం వచ్చే ఏడాది ప్రేమికుల రోజు కానుకగా ఫిబ్రవరి 14న ప్రేక్షకుల ముందుకు రానుంది. రిలయన్స్‌ ఎంటర్‌టైన్‌మెంట్స్, విండో సీట్ ఫిల్మ్స్ సంయుక్తంగా నిర్మిస్తున్నాయి.
