ఆటలంటే.... ఆరోగ్యంతో పాటు ఉత్సాహాన్ని అందించేలా ఉండాలి. ప్రస్తుతం కాలంలో ఆటలకు దూరమై... ఫోన్లల్లో గేమ్స్ ఆటలకు... అలవాటు పడి ప్రాణాలను కూడా కోల్పోతున్నారు. పబ్జీ గేమ్... చిన్న పెద్ద తేడా లేకుండా అందరినీ ఆకర్షిస్తోంది. ఆ గేమ్కు బానిసై... మానసికంగా కుంగిపోయి ప్రాణాలు తీసుకుంటున్నారు.
పిల్లల ప్రాణాలను హరిస్తున్న పబ్జీ గేమ్ను కేంద్రప్రభుత్వం వెంటనే బ్యాన్ చేయాలని కేంద్ర ప్రభుత్వాన్ని బాలల హక్కుల సంఘం అధ్యక్షుడు అచ్యుత్రావు డిమాండ్ చేశారు. రెండురోజుల క్రితం హైదరాబాద్ మల్కాజిగిరికి చెందిన పదో తరగతి విద్యార్థి ఎక్కువ సమయం మొబైల్లో గేమ్స్ ఆడుతున్నాడని తల్లిదండ్రులు మందలించగా... ఆ బాలుడు ఆత్మహత్య చేసుకున్నాడు.
ఇదే విషయంపై కేంద్ర బాలల హక్కుల పరిరక్షణ కమిషన్కు విన్నవించినట్లు అచ్యుత్రావు తెలిపారు. తక్షణమే ఈ గేమ్ను రద్దు చేస్తూ... కేంద్ర శిశు సంక్షేమ కార్యదర్శి.. అన్ని రాష్ట్రాల ముఖ్యకార్యదర్శులకు ఆదేశాలు జారీ చేయాలని కోరారు. వీలైనంత వరకు ఫోన్లకు, ఇంటర్నెట్కు తల్లిదండ్రులు పిల్లల్ని దూరంగా ఉంచాలని... ఈ విషయంలో చిన్నారులపై కఠినంగా వ్యవహరించకుండా సున్నితంగా మందలించాలని అచ్యుత్ రావు పేర్కొన్నారు.
ఇదీ చూడండి: భారత్లో సరైన ఆహారం లేక ఇన్ని చావులా?
