విమానయాన సంస్థ ఎయిర్ ఇండియాకు ఇంధన సరఫరా నిలిపివేయాలన్న నిర్ణయాన్ని ఉపసంహరించుకున్నాయి దేశీయ ఇంధన రిటైల్ సంస్థలు. బిల్లులను చెల్లించడానికి సిద్ధంగా ఉన్నట్టు ఎయిర్ ఇండియా హామీ ఇవ్వడమే ఇందుకు కారణం.
లిఖిత పూర్వక వినతితో..
కొద్ది కాలంగా పేరుకుపోయిన రూ.5వేల కోట్ల బకాయిలతో పాటు.. ఎప్పటికప్పుడు ఇంధన బిల్లులు చెల్లిస్తామని ఎయిర్ ఇండియా లిఖిత పూర్వక హామీ ఇచ్చినట్లు అధికారులు తెలిపారు. విమాన సంస్థ వినతి మేరకు ఈ నిర్ణయం తీసుకున్నట్లు వెల్లడించారు.
చెల్లింపుల్లో ఆలస్యంతో..
ఇంధన బిల్లుల చెల్లింపుల్లో ఆలస్యం వల్ల దేశీయ ఇంధన సరఫరా సంస్థలు ఇండియన్ ఆయిల్ కార్పొరేషన్ (ఐఓసీ), హిందుస్తాన్ పెట్రోలియం కార్పొరేషన్ (హెచ్పీసీఎల్), భారత్ పెట్రోలియం కార్పొరేషన్ (బీపీసీఎల్) ఎయిర్ ఇండియాకు హెచ్చరికలు చేశాయి. దేశంలోని ఆరు ప్రధాన విమానాశ్రయాల పరిధిలో విమానాల ఇంధనం (ఏటీఎఫ్) సరఫరాను నిలిపివేస్తామని ఈనెల ప్రారంభంలో ప్రకటించాయి.
ఇదీ చూడండి: ట్రంప్ గోల్ఫ్ క్లబ్లో 2020 జీ-7 సదస్సు!
