విదేశీ ప్రత్యక్ష పెట్టుబడుల విధానంలో భారత్ చేసిన సవరణలపై... చైనా అభ్యంతరాలు వ్యక్తం చేయడం పట్ల కేంద్రం ఘాటుగా స్పందించింది. భారత ఎఫ్డీఐ విధానంపై ఏ దేశం కూడా అతిగా చింతించాల్సిన అవసరం లేదని పేర్కొంది.
ఏ సరిహద్దు దేశం కూడా ముందస్తు అనుమతులు లేకుండా దేశంలోకి పెట్టుబడులు పెట్టడానికి వీల్లేదని ఎఫ్డీఐ విధానంలో మార్పులు చేసింది కేంద్ర ప్రభుత్వం. కరోనా విపత్కర పరిస్థితుల్లో భారత్‌లోని స్థానిక సంస్థలను చేజిక్కించుకునేందుకు చైనా చేస్తున్న ప్రయత్నాలను అడ్డుకోవడమే లక్ష్యంగా ఈ నిర్ణయం తీసుకోగా.. దీనిపై చైనా విమర్శలు గుప్పించింది. స్వేచ్ఛా వాణిజ్యంపై వివక్షత చూపిస్తున్నట్లుగా ఆరోపించింది.
