వజ్రాల వ్యాపారి నీరవ్ మోదీ రెండో బెయిల్ దరఖాస్తుపై లండన్ వెస్ట్మినిస్టర్ మెజిస్ట్రేట్ న్యాయస్థానం శుక్రవారం వాదనలు విననుంది. పోలీసుల నిర్బంధంలో ఉన్న నీరవ్ను బెయిల్ విచారణ సమయంలో కోర్టులో హాజరుపరుస్తారు.
గతవారం సెంట్రల్ లండన్ బ్యాంకులో ఖాతా తెరిచేందుకు ప్రయత్నించిన నీరవ్ మోదీని పోలీసులు అరెస్టు చేశారు. కొద్దిసేపటికే నీరవ్ మొదటి బెయిల్ అభ్యర్థను న్యాయస్థానం తిరస్కరించింది.
మొదటి అభ్యర్థన విచారణ సమయంలో నీరవ్కు బెయిల్ మంజూరు చేయవద్దని న్యాయస్థానంలో వాదనలు వినిపించారు భారత్ తరఫు న్యాయవాది. నీరవ్పై రూ.14వేల కోట్ల మేర ఆర్థిక నేరాభియోగాలున్నాయని తెలిపారు.
గత డిసెంబరులో కింగ్ఫిషర్ అధినేత విజయ్ మాల్యాను భారత్కు అప్పగించాలని తీర్పునిచ్చిన న్యాయమూర్తి ఎమ్మా అర్బుత్నాట్... శుక్రవారం నీరవ్ రెండో బెయిల్ పిటిషన్ వాదనలను విననున్నారు.
అర్బుత్నాట్ తీర్పుపై లండన్ హైకోర్టును ఆశ్రయించారు మాల్యా. ఈ కేసు పెండింగ్లో ఉన్న కారణంగా మాల్యాపై న్యాయపరమైన చర్యలు తీసుకోలేదు.
ఇదీ చూడండి:నోట్ల రద్దు సమయంలో దోపిడీపై కాంగ్రెస్ వీడియో
